រថយន្តដឹកកម្មករក្រឡាប់របួសធ្ងន់ ស្រាលជិត៧០នាក់នៅកំពង់ស្ពឺ
ខេត្តកំពង់ស្ពឺ៖សេចក្តីរាយការណ៍ពីខេត្តកំពង់ស្ពឺឲ្យដឹងថា មានរថយន្តដឹកកម្មករមួយគ្រឿង បានក្រឡាប់ដោយបណ្តាលឲ្យមានកម្មករជិត៧០នាក់ រងរបួសធ្ងន់ និងស្រាល។ ហេតុការណ៍នេះកើតឡើងហេតុការណ៍នេះកើតឡើងនៅម៉ោង ៦ និង១៣នាទីព្រឹកថ្ងៃទី២៧ ខែមេសានេះ ស្ថិតលើផ្លូវជាតិលេខ៤៤ ចន្លោះគីឡូម៉ែត្រលេខ ១២៥ និង ១២៦ ចំណុចភូមិចំការដូង ឃុំវាលពង់ ស្រុកឧដុង្គ ខេត្តកំពង់ស្ពឺ។
សេចក្តីរាយការណ៍បញ្ជាក់ថា រថយន្តដឹកកម្មករ ម៉ាក Hyundai ស្លាកលេខភ្នំពេញ 2AG- 9077 បើកបរដោយ ឈ្មោះ ឆេង ប៊ុនរឿន ប្រុសអាយុ២៤ឆ្នាំ នៅភូមិអណ្ដូងប្រេង ឃុំឈានឡើង ស្រុកសាមគ្គីមានជ័យ ខេត្តកំពង់ឆ្នាំង បានដល់ចំណុចខាងលើក៏ក្រឡាប់ មានរបួសកម្មករ រោងចក្រចំការស្វាយចំនួន៧០នាក់។ ទោះយ៉ាងណាកម្មករដែលរងរបួសទាំងអស់កំពុងបញ្ជូនទៅមន្ទីរពេទ្យ៕
