រាជធានីភ្នំពេញ៖បុរសម្នាក់បានស្លាប់ភា្លមៗនៅនឹងកន្លែងដោយសារជិះម៉ូតូបុករ៉ឺម៉កកង់បីដែលបើកបរក្នុងទិសដៅបញ្ច្រាសគ្នា។ ហេតុការណ៍នេះកើតឡើងនៅវេលាម៉ោង០៣ និង២០នាទីរំលងអធ្រាត្រឈានថ្ងៃទី២៧ ខែមេសាឆ្នាំ២០១៦ ត្រង់ចំណុចមុខផ្ទះលេខ ១៣ផ្លូវ ៤៧សង្កាត់ ស្រះចក ខណ្ឌដូនពេញ។
ជនរងគ្រោះឈ្មោះ លី សុខជឿន ភេទ ប្រុស អាយុ ៣៧ឆ្នាំ ផ្ទះលេខ 94c ផ្លូវ 92 ភូមិត្រពាំងស្វាយ សង្កាត់ ភ្នំពេញថ្មី ខណ្ឌសែនសុខ រាជធានីភ្នំពេញ។
តាមប្រភពព័ត៌មាននៅកន្លែងកើតឡើដហេតុបានឲ្យដឹងថា មុនពេលកើតហេតុម៉ូតូស្គុបភីពណ៌ស ស្លាកលេខ ភ្នំពេញ1FH1593 បើកបរដោយបុរសម្នាក់ ខណៈមកដល់ចំណុចកើតហេតុក៏ស្រាប់បុកជាមួយ ម៉ូតូរ៉ឺម៉កកង់បី ដែលបើកបរបញ្រាសទិសគ្នា បណ្ដាលអោយអ្នកបើកម៉ូតូស្លាប់ នៅកន្លែងកើតហេតុ។ ចំណែកអ្នកបើកម៉ូតូកងបីបានបើករត់ គេចបាត់ស្រមោល៕
