ភ្នំពេញ៖មន្ត្រីបរិស្ថានខណ្ឌដង្កោ សហការណ៍ជាមួយក្រុមការងារសាលាសង្កាត់ដង្កោបាន ចុះត្រួតពិនិត្យរោងចក្រមីម៉ាម៉ា ក្រោយពីប្រជាពលរដ្ឋបានរាយការណ៍ថា បង្កផ្សែងខ្មៅ ធ្វើឲ្យប៉ះពាល់ដល់ការរស់នៅរបស់ពួកគាត់ កាលពីព្រឹកថ្ងៃទី២៦ ខែមេសា ស្ថិតនៅតាមបណ្តោយផ្លូវ ២៥៧ សង្កាត់ដង្កោ ខណ្ឌដង្កោ ។
សមត្ថកិច្ចបានឲ្យដឹងថា៖ មូលហេតុដែលមានការចុះត្រួតពិនិត្យនៅក្នុងរោងចក្រមីម៉ម៉ានេះ ដោយសារ កាលពីយប់ថ្ងៃទី២៥ ខែមេសា ឆ្នាំ២០១៦ ទីតាំងខាងលើនេះ បានបញ្ឆេះម៉ាស៊ីនបង្ហុយផ្សែងចេញពណ៌ខ្មៅ ហើយមានខ្លិនឈ្ងៀម ធ្វើឲ្យពលរដ្ឋរស់នៅក្បែនោះ ទ្រាំមិនបាន ក៏បាននាំគ្នាទៅសាលាខណ្ឌដង្កោ ដើម្បីឲ្យសមត្ថកិច្ច ជួយអន្តរាគមន៍ ។ ពេលដែលសាលាខណ្ឌដង្កោទទួលបានសេចក្តីរាយការណ៍ពីប្រជាពលរដ្ឋភា្លម នៅព្រឹកថ្ងៃទី២៦ ខែមេសា សាលាខណ្ឌដង្កោ បានបញ្ជាឲ្យមន្ត្រីបរិស្ថាន និងក្រុមការងារសង្កាត់ដង្កោ ចុះទៅត្រួតពិនិត្យនៅ ទីតាំងកើតហេតុខាងលើ និងធ្វើការសួរនាំម្ចាស់ទីតាំងរោងចក្រ ក្រោយមកម្ចាស់រោងចក្រ ក៏បានសហការណ៍ ជាមួយនឹងក្រុមការងារខណ្ឌដង្កោ ហើយក៏ទទួលខុសត្រូវនូវបញ្ហាទាំងនេះផងដែរ និងបានធ្វើកិច្ចសន្យា តែតម្រូវលើផ្នែកបច្ចេកទេស ដើម្បីជៀសវាងកុំឲ្យមានផ្សែងខ្មៅបែបនេះទៀត៕
