ខេត្តសៀមរាប៖ភ្លៀងលាយឡំខ្យល់កន្ទ្រាក់មួយមេធំបានបំផ្លាញផ្ទះប្រជាពលរដ្ឋចំនួន២៥៩គ្រួសារ ស្មើនឹង២៥៩ខ្នងផ្ទះ និងបណ្តាលឲ្យមនុស្ស៣នាក់។ ករណីនេះកើតឡើងកាលពីវេលាម៉ោង១៧ និង០០នាទី ថ្ងៃទី២៨ ខែមេសា ឆ្នាំ២០១៦ ម្សិលមិញប៉ះពាល់ចំនួន៥ភូមិក្នុងនោះមាន ភូមិវត្ត,ភូមិស្រែពោធិ៍ ភូមិដៃអាវ ភូមិគោកវត្ត ភូមិស្រែណូយ ក្នុងឃុំស្រែណូយ ស្រុកវ៉ារិន ខេត្តសៀមរាប ។
អធិការនគរបាលស្រុកវ៉ារិន លោកវរសេនីយ៍ទោ ណុប សារ៉ាក់ បានឲ្យដឹងថា បន្ទាប់ពីមានភ្លៀងធ្លាក់លាយឡំ និងខ្យល់កន្ទ្រាក់មួយមេធំ កាលពីវេលាម៉ោង១៧និង០០នាទីគឺបានបណ្តាលឱ្យប៉ះពាល់ចំនួន៥ភូមិដូចបានបង្ហាញខាងលើ។ លោកបន្តថា ក្រោយពីភ្លៀងនិងខ្យល់កន្ទ្រាក់នេះមកក៏បាន បណ្តាលឱ្យមានផ្ទះពលរដ្ឋចំនួន២៥៩គ្រួសារ ស្មើនឹង២៥៩ខ្នងផ្ទះ ក្នុងនោះ(ខូចខាតរលំផ្ទាល់ដីទាំងស្រុងអស់២៤ខ្នងផ្ទះ ស្មើនឹង២៤គ្រួសារ)និងប៉ើងដំបូល២៣៥ខ្នងផ្ទះ(ស្មើនឹង២៣៥គ្រួសារ)ខូចរថយន្ដ០៦គ្រឿង និងឥវ៉ាន់គ្រឿងឧបពិភោគ បរិភោគមួយចំនួនធំ ព្រមទាំងមានអ្នករបួសធ្ងន់ស្រាល៣នាក់ ស្រី២នាក់ (ក្នុងនោះស្រាល០២ ធ្ងន់១ ភេទស្រីឈ្មោះម៉ង់. ពេញ ស្រី អាយុ៥៥ រស់នៅភូមិស្រែណូយ ឃុំស្រែណូយ ស្រុកវ៉ារិន ខេត្តសៀមរាប។
បច្ចុប្បន្ន ជនរងគ្រោះ ដែលត្រូវរបួសធ្ងន់ក្នុងហេតុការណ៍គ្រោះធម្មជាតិរលំផ្ទះនោះ ត្រូវបានក្រុមគ្រួសារដឹកបញ្ជូនយកទៅមន្ទីរពេទ្យបង្អែកខេត្តសៀមរាប។ ចំណែកអ្នករបួសស្រាស ទាំង២នាក់ ត្រូវបានក្រុមគ្រួសារដឹកយកមកព្យាបាលទៅមណ្ឌលសុខភាព ឃុំស្រែណូយ៕
