ព្រះរាជអាជ្ញាអះអាងថា ការសាកសួរកញ្ញាស្រីមុំទទួលបានលទ្ធផលល្អ
រាជធានីភ្នំពេញ៖ព្រះរាជអាជ្ញា លោក កែវ សុជាតិ បានអះអាងថា ការសាកសួរ កញ្ញា ខុម ចាន់តារ៉ាទី ហៅស្រីមុំហើយ នៅព្រឹកថ្ងៃទី២៩ ខែមេសា ឆ្នាំ២០១៦នេះទទួលបានលទ្ធផលល្អ។ កញ្ញា ខុម ចាន់តារ៉ាទី ហៅស្រីមុំ បានចូលបំភ្លឺនៅសាលាដំបូងរាជធានីភ្នំពេញ តាមការកោះ ហៅរបស់តំណាងអយ្យការ ពាក់ព័ន្ធនឹងបណ្តឹងរបស់កញ្ញា ធី សុវណ្ណថា។
គួរបញ្ជាក់ថា កាលពីថ្ងៃទី១ ខែមីនា ឆ្នាំ២០១៦ កញ្ញា ធី សុវណ្ណថា អតីតអ្នកគាំទ្រគណបក្សសង្គ្រោះជាតិ បានដាក់ពាក្យប្តឹង ពីបទ បរិហារកេរ្តិ៍លើម្ចាស់ខ្សែអាត់សំឡេងមួយ ដែលគេសង្ស័យជាការសន្ទនា រវាងលោក កឹម សុខា ប្រធានស្តីទីគណបក្សសង្គ្រោះជាតិ និងនារីឈ្មោះ ខុម ចាន់តារ៉ាទី៕
