ខេត្តព្រៃវែង៖ក្មេងស្រី២នាក់បានស្លាប់បាត់បង់ជីវិត ក្រោយពេលបាក់ដីមាត់ស្រះបាក់សង្កត់ ខណៈខ្លួនដើររកក្ដាមខ្ចងដើម្បីដោះស្រាយជីវភាព។ ហេតុការណ៍នេះកើតឡើងកាលពីវេលាម៉ោង ២ និង ១៥ នាទីរសៀល ថ្ងៃទី០១ ខែ ឧសភាឆ្នាំ២០១៦ នៅចំណុចភូមិព្រៃជ្រាំង ឃុំពានរោង ស្រុកស្វាយអន្ទរ ខេត្តព្រៃវែង។
សមត្ថកិច្ចបានឲ្យដឹងថា ក្មេងស្រីរងគ្រោះទី១ឈ្មោះ ហាន គន្ធា អាយុ១៤ឆ្នាំ មានទីលំនៅភូមិព្រៃជ្រាំង ឃុំពានរោង ស្រុកស្វាយអន្ទរ និងម្នាក់ទៀត ឈ្មោះ អាន វណ្ណលីដា ស្រី អាយុ១៥ ឆ្នាំ ភូមិព្រៃជ្រាំង ឃុំពានរោង ស្រុកស្វាយអន្ទរ បានបបួលគ្នាទៅចាប់ កង្កែប ក្តាម នៅវាលស្រែ ហើយជើងប្រឡាក់ដី រួចចុះលាងជើងនៅមាត់ស្រះ ស្រាប់តែបាក់ដីនៅមាត់ស្រះតែម្ដងទៅបណ្តាលអោយធ្លាក់ចូលទឹកស្រះ បន្ទាប់មក មិត្តភក្តិដែលទៅជាមួយ ឃើញដូច្នេះក៏នាំគ្នាចុះជួយ បណ្តាលអោយលង់ទឹកស្លាប់ទាំងអស់គ្នាតែម្តង ។
ក្រោយពេលកើតហេតុ សមត្ថកិច្ច នគរបាលបានចុះទៅដល់កន្លែងកើតហេតុ ធ្វើការត្រួតពិនិត កោសល្យវិច្ឆ័យលើសាកសព បាន បញ្ជក់ថាអ្នកទាំងពីពិតជាបានលង់ទឹកបណ្ដាលឱ្យលង់ស្លាប់២នាក់ ពិតប្រាកដមែន។
បច្ចុប្បន្នសពក្មេងស្រីទាំង២នាក់ ត្រូវបានប្រគល់ជូនក្រុមគ្រួសារយកទៅធ្វើបុណ្យតាមប្រពៃណី៕
