បំផ្ទុះរថយន្តអត្តឃាតនៅអ៊ីរ៉ាក់សម្លាប់មនុស្ស៣២នាក់ របួស៧៥នាក់
អ៊ីរ៉ាក់៖ប៉ូលិសប្រចាំតំបន់បានថ្លែងថា មនុស្ស៣២នាក់បានស្លាប់ និង៧៥នាក់ផ្សេងទៀតរងរបួសធ្ងន់ស្រាលក្នុងករណីបំផ្ទុះរថយន្តអត្តឃាតព្រមគ្នាចំនួនពីរ នៅភាគខាងត្បូងនៃទីក្រុង Samawa ប្រទេសអ៊ីរ៉ាក់។ នេះបើយោងតាមសារព័ត៌មាន Reuters។
ក្រោយពីកើតហេតុ ក្រុមឧទ្ទាម ISIS បានចេញមុខប្រកាសថា ករណីវាយប្រហារនេះជាទង្វើរបស់ពួកគេ គោលដៅគឺអគាររដ្ឋាភិបាល និងចំណតរថយន្តក្រុង ព្រោះមានចម្ងាយតែ ៦០ម៉ែត្រពីគ្នាប៉ុណ្ណោះ។
ក្រុមពន្លត់អគ្គិភ័យ បានបញ្ជាក់ថា ចំនួនអ្នកស្លាប់អាចនឹងកើនឡើងបន្ថែមទៀត ព្រោះថាមានអ្នករបួសធ្ងន់ធ្ងរជាច្រើននាក់ ដែលត្រូវបានបញ្ជូនទៅកាន់មន្ទីរពេទ្យ៕
