ជនជាតិចិន៤នាក់ រងរបួសក្នុងករណីក្រឡាប់រថយន្តនៅផ្លូវជាតិលេខ៤
ខេត្តព្រះសីហនុ៖ជនជាតិចិន៤នាក់ បានរបួសធ្ងន់ស្រាល ក្នុងហេតុការណ៍ក្រឡាប់រថយន្ត នៅម៉ោង១៤៖៣០នាទីរសៀលម្សិលមិញ លើកំណាត់ផ្លូវជាតិលេខ៤ ចន្លោះគីឡូម៉ែត្រលេខ១១១-១១២ ស្ថិតក្នុងភូមិស្ទឹងច្រាល ឃុំអូរបាក់រទេះ ស្រុកកំពង់សិលា ខេត្តព្រះសីហនុ។
សមត្ថកិច្ចបានឱ្យដឹងថា គ្រោះថ្នាក់ចរាចរណ៍នេះ បានបង្កឡើងដោយ រថយន្ដម៉ាក LEXUS ពណ៌ខ្មៅ ពាក់ផ្លាកលេខភ្នំពេញ 2L-5402 បើកបរត្រឡប់ពីខេត្តព្រះសីហនុ មកភ្នំពេញ លុះដល់ចំណុចកើតហេតុ ក៏បានក្រឡាប់ធ្លាក់ផ្លូវតែម្ដង បណ្ដាលឱ្យជនជាតិចិន ជាអ្នករួមដំណើររងរបួសធ្ងន់ស្រាល៤នាក់ ចំណែកអ្នកបើកបររត់គេចខ្លួនបាត់ស្រមោល៕
