ខេត្តកណ្តាល៖បុរសកម្មកររោងចក្រម្នាក់ត្រូវបានចរន្តអគ្គិសនីឆក់ស្លាប់ភ្លាមៗនៅឡើងជណ្តើរគ្រាដែលឡើងតខ្សែភ្លើងពេលមេឃកំពុងធ្លាក់ភ្លៀង។ ហេតុការណ៍នេះកើតឡើងកាលពីវេលា១៨ និង០០នាទី ថ្ងៃទី០១ ខែឧសភា ឆ្នាំ២០១៦ នៅចំណុចផ្ទះជនរងគ្រោះភូមិពងទឹកឃុំដំណាក់ អំពិលស្រុកអង្គស្នួល ខេត្តកណ្ដាល។
ជនរងគ្រោះឈ្មោះ ជី វណ្ណៈ ភេទប្រុស អាយុ៣១ឆ្នាំ នៅភូមិឃុំកើតហេតុខាងលើ មុខរបរកម្មកររោងចក្រ មានប្រពន្ធ កូនស្រី០១នាក់អាយុ០៣ខួប។
ប្រភពអោយដឹងថា នៅមុនពេលកើតហេតុមេឃកំពុងតែភ្លៀងជនគ្រោះ បានយកជណ្ដើរដែកឡើងមើលទរទឹកខាងក្រោយផ្ទះ ដើម្បីត្រង់ទឺកពេលនោះ ជនរង គ្រោះយកដៃទៅកាន់ទរទឹក ក៍ឆក់ជាប់និងជណ្ដើរ ឃើញដូច្នេះ ឪពុកក្មេក ក៏រត់ទៅបិទបារ៉ែតភ្លើង ដោយមានខ្សែភ្លើង តចេញពីផ្ទះទៅរោងបាយ និងរោងគោ។ ក្រោយមកក្រុមគ្រួសារ បានយកជនរងគ្រោះទៅពេទ្យសម្ភព ឯកជនទើបដឹងថាស្លាប់។
តាមការពិនិត្យរបស់នគរបាលបច្ចេកទេសស្រុក និងនគរបាលប៉ុស្តិ៍ ដោយមានការចូលរួមពីលោកស្រីមេឃុំ មេភូមិលោកគ្រូ ពេទ្យ ជនរងគ្រោះពិតជាស្លាប់ដោយឆក់ខ្សែ ភ្លើងពិតមែន បានប្រគល់សពជូនក្រុមគ្រួសារធ្វើ បុណ្យតាមប្រពៃណី៕
