រាជធានីភ្នំពេញ៖កំលាំងអគ្គនាយកដ្ឋានអន្តោប្រវេសន៍ និងកំលាំងករិយាល័យអន្តោប្រវេសន៍រាជធានីភ្នំពេញ កំលាំងប៉ុស្តិ៍ទួលសង្កែ និងកំលាំងជំនាញខណ្ឌឫស្សីកែវបានត្រួតពិនិត្យទីតាំងអង្គការសហប្រតិបត្តិការអភិវឌ្ឍន៍ ដោយឃាត់ខ្លួនស្ត្រីជនជាតិវៀតណាម្នាក់ពីបទកាន់អត្តសញ្ញាណប័ណ្ណសញ្ជាតិដោយសុខច្បាប់។ ការត្រួតពិនិត្យធ្វើឡើងនាវេលាម៉ោង៣ និង១០នាទីរសៀលថ្ងៃទី០៤ ខែឧសភា នៅទីតាំងផ្ទះលេខA៤៨ ផ្លូវ១៦ក្រុមទី២ ភូមិទួលគោក សង្កាត់ទួលសង្កែ ខណ្ឌរស្សីកែវ។
ប្រតិបត្តិការធ្វើឡើងដោយមានការសម្របសំរួលពីលោក ព្រះរាជអាជ្ញារង មាស ចាន់ពិសិទ្ឋ ដឹកនាំចុះដោយលោកឧត្តមសេនីយ៍ទោ. អ៊ុក ហៃសីឡា ប្រធាននាយកដ្ឋាននីតិវិធីអន្តោប្រវេសន៍ នៃអគ្គអន្តោប្រវេសន៍ ។
តាមសមត្ថកិច្ចបានឲ្យដឹងថា ក្នុងការត្រួតពិនិត្យនេះកម្លាំងសមត្ថកិច្ចបានឃាត់ខ្លួនស្ត្រីជនជាតិវៀតណាម បានប្រើប្រាស់លិខិតឆ្លងដែនព្រះរាជាណាចក្រកម្ពុជាលេខ1373739 អត្តសញ្ញាណប័ណ្ណសញ្ជាតិខ្មែរឈ្មោះ ចាន់ ធី ភេទស្រី ថ្ងៃខែឆ្នាំកំណើត០២_១១_១៩៨២។ បន្ទាប់ពីឃាត់ខ្លួនស្ត្រីជនជាតិវៀតណាមខាងលើត្រូវបានបញ្ជូនទៅកាន់អគ្គនាយកដ្ឋានអន្តោប្រវេសន្ត ដើម្បីអនុវត្តតាមនីតិវិធីច្បាប់ដោយគ្រោងធ្វើការបណ្តេញចេញអោយត្រឡប់ទៅប្រទេសកំណើតវិញ៕
