ខេត្តកំពត៖បុរសស៊ីឈ្មួលមើលចិញ្ចឹម(សត្វទា)អោយគេដេកស្នាក់ផ្ទះប្រជាពលរដ្ឋទុកចោលដោយម្ចាស់ផ្ទះនាំក្រុមគ្រូសារទៅរកស៊ីនៅប្រទេសថៃត្រូវជនមិនស្គាល់មុខវាយសម្លាប់នៅលើអង្រឹងក្រោមផ្ទះប្រជាពលរដ្ឋទុកចោលនោះ។ ករណីនេះកើតឡើងនៅភូមិខ្នាយ ឃុំត្នោតចុងស្រង់ ស្រុកបន្ទាយមាស ខេត្តកំពត។
ជនរងគ្រោះដែលត្រូវគេសម្លាប់មានឈ្មោះ ង៉ែត ឆានី (ហៅឈីត)ភេទប្រុស អាយុ២៣ឆ្នាំ ជនជាតិខ្មែរ(នៅលីវ)។
បើតាមប្រភពពីប្រជាពលរដ្ឋរស់នៅភូមិឃុំកើតហេតុខាងលើបានអោយដឹងថា ករណីឃាតកម្មខាងលើសង្ស័យគឺជារឿងគំនុំជាមួយអ្នកភូមិរស់នៅភូមិជាមួយគ្នា។ ដោយឡែកបើតាមប្រភពព័ត៌មានពីសមត្ថកិច្ចនគបាលអធិការដ្ឋានស្រុកបន្ទាយមាសលោក ព្រហ្ម វាសនា (ហៅឡី) បានឲ្យដឹងថា សាកសពដែលត្រូវគេសម្លាប់នោះគឺវាយ និងពូថៅចំពីលើក្បាលផុងបែករយះក្បាល និងមានស្នាមយកដែកឆាបចាក់ត្រង់ចំណុច(ក)ខាងឆ្វេងជាច្រើនកន្លែង។ លោកអធិការបន្តថា ចំណែកជនសង្ស័យនៅមិនទាន់រកឃើញនៅឡើយទេ។
ក្រោយពីធ្វើកោសល្យវិច្ច័យ និងពិនិត្យរួចសពជនរងគ្រោះសមត្ថកិច្ចប្រគល់សពឲ្យទៅសាច់ញាតិធ្វើបុណ្យតាមប្រពៃណី៕ដោយ៖សារ៉េត
