សាហាវមែន! ខឹងប្រពន្ធឲ្យលុយម្តាយខ្ចីចាក់សម្លាប់ឪពុកក្មេក
ខេត្តត្បូងឃ្មុំ៖កម្លាំងនគរបាលបានចាប់ខ្លួនបុរសម្នាក់កាលពីយប់ម្សិលមិញ បន្ទាប់ពីជនសង្ស័យ រូបនេះ បានយកកាំបិតចាក់ឪពុកក្មេក បណ្តាលឲ្យស្លាប់ ព្រោះតែខឹងប្រពន្ធឲ្យលុយម្តាយខ្ចី ១០ម៉ឺនរៀល ប៉ុណ្ណោះ។
ករណីឃាតកម្មនេះ កើតឡើង នៅភូមិយាយស ឃុំទន្លេបិទ ស្រុកត្បូងឃ្មុំ ។ ចំណែក ជនសង្ស័យឈ្មោះ ប៉េង រ៉ានី អាយុ២៧ឆ្នាំ ត្រូវជាកូនប្រសារ។ រីឯជនរងគ្រោះ ឈ្មោះ អ៊ុត ឃីម អាយុ៤៨ឆ្នាំ ត្រូវជនសង្ស័យ ចាក់១កាំបិត បណ្តាលឲ្យរងរបួសធ្ងន់ ត្រង់ចំណុច បោះដៃផុតខាងស្តាំ ហើយបានដាច់ខ្យល់ស្លាប់ ក្រោយពីក្រុមគ្រួសារ ដឹកយកទៅសង្គ្រោះ នៅមន្ទីរពេទ្យបង្អែក ខេត្តកំពង់ចាម៕
