ហ្វីលីពីនចាប់ដៃជាមួយចិនវិញ ក្រោយមានភាពល្អក់កករកាលពីរដ្ឋាភិបាលមុន
ម៉ានីល៖យោងតាមសារព័ត៌មានចិនស៊ិនហួរបានចេញផ្សាយថា អនាគតប្រធានាធិបតីហ្វីលីពីនដែលទើបជាប់ឆ្នោត លោក Rodrigo Duterte បានបើកកិច្ចសន្ទនាមួយជាមួយនឹងឯកអគ្គរដ្ឋទូតចិនប្រចាំទីក្រុង ម៉ានីល ជុំវិញគំរោងរៀបចំកិច្ចពិភាក្សាទ្វេភាគីជាមួយនឹងរដ្ឋាភិបាលចិនឡើងវិញ ពាក់ព័ន្ធបញ្ហាសមុទ្រចិនខាងត្បូង។
ឯកអគ្គរដ្ឋទូតចិនលោក Zhao Jianhua បានថ្លែងបន្ទាប់ពីកិច្ចប្រជុំនោះថា លោកពិតជាមាន សេចក្តីរីករាយ និងសង្ឃឹមថាចិនជាមួយហ្វីលីពីន អាចស្វែងរកដំណោះស្រាយលើការខ្វែងគំនិតគ្នា ព្រមទាំងព្យាយាមលើកស្ទួយទំនាក់ទំនងមិត្តភាព ឲ្យកាន់តែស៊ីជម្រៅ និងបង្កើនកិច្ច សហប្រតិបត្តិការលើគ្រប់វិស័យ រវាងប្រទេសទាំងពីរឡើងវិញ៕
