ខេត្តកោះកុង៖ការិយាល័យកណ្តាលប្រឆាំងបទល្មើសប្រឆាំងបទល្មើសសេដ្ឋកិច្ចនៃស្នងការដ្ឋានខេត្តកោះកុង សហការជាមួយមន្ត្រីមន្ទីរសុខាភិបាលខេត្តចុះបានចុះសហប្រតិបត្តិការបិទអាជីវកម្ម (ពេទ្យធ្មេញ) យីហោ ធីខេធី (T K T) ដែលបើកអាជីវកម្មដោយគ្មានច្បាប់។ ការចុះបិទអាជីវកម្មនេះធ្វើឡើងនៅព្រឹកថ្ងៃទី១៩ ខែឧសភា ឆ្នាំ២០១៦នេះ ដែលមានទីតាំងស្ថិតនៅភូមិ១ សង្កាត់ដងទង់ ក្រុងខេមរភូមិន្ន ខេត្តកោះកុង។
តាមសមត្ថកិច្ចបានឲ្យដឹងថា ការចុះបិទអាជីវកម្មពេទ្យធ្មេញយីហោ ធីខេធី នេះដោយមានការឯកភាពពីគ្រប់ស្ថាប័នពាក់ព័ន្ធ និងពីព្រះអាជ្ញាអមសាលាដំបូងខេត្តផងដែរ។ ប្រភពបន្តថា បិទអាជីវកម្មទីតាំងខាងលើនេះកម្លាំងសមត្ថកិច្ចបានដកហូត សម្ភារ: បរិក្ខារព្យាបាលមាត់ធ្មេញ ឱសថ ឱសថហួសកាលបដិច្ឆេត (ហួសដឺឡេ) និងវិញ្ញាបនបត្រពាក់ព័ន្ធមួយចំនួន។ ប្រភពបញ្ជាក់ថា បច្ចុប្បន្នមន្ត្រីជំនាញមន្ទីរសុខាភិបាល សហការនិងមន្ត្រីការិ,ប្រឆាំងបទល្មើសសេដ្ឋកិច្ច កសាងសំណុំរឿងបញ្ជូនទៅសាលាដំបូងខត្តចាក់ការតាមនីតិវិធីច្បាប់៕
