អ៊ីរ៉ាក់៖នៅថ្ងៃចន្ទ នាយករដ្ឋមន្ត្រីអ៊ីរ៉ាក់លោក Haider al-Abadi បានប្រកាសពីការចាប់ផ្តើមនៃការប្រតិបត្ដិការយោធាមួយដើម្បីយកទីក្រុង Fallujah ពីក្រុមរដ្ឋឥស្លាមមកវិញ។
ការប្រយុទ្ធដើម្បីដណ្តើមយកបន្ទាយរបស់ក្រុមជីហាដមួយនេះមកវិញដែលមិនត្រូវបានគ្រប់គ្រងដោយរដ្ឋាភិបាលសម្រាប់រយៈពេលជិតពីរឆ្នាំមកហើយនោះនឹងក្លាយជាសង្គ្រាមតឹងតែងបំផុតរបស់ប្រទេសអ៊ីរ៉ាក់ជាមួយក្រុម IS ។
លោកនាយករដ្ឋមន្ត្រីបាននិយាយថា កងកម្លាំងពិសេស ទាហាន ប៉ូលិស កងកម្លាំងជីវពលនិងក្រុមកុលសម្ព័ន្ធគាំទ្ររដ្ឋាភិបាលនឹងចូលរួមនៅក្នុងប្រតិបត្តិការនេះដើម្បីយកទីក្រុងនេះមកវិញ។ ទីក្រុងនេះទីតាំងក្នុងខេត្ត Anbar ដែលមានចម្ងាយត្រឹមតែ៥០គីឡូម៉ែត្រប៉ុណ្ណោះពីភាគខាងលិចទីក្រុង បាដាដ។ការប្រកាសដើម្បីដោះស្រាយបញ្ហានេះបានក្លាយជាប្រធានបទនៃការជជែកពិភាក្សាគ្នាក្នុងចំណោមមន្ត្រីអ៊ីរ៉ាក់និងកងកម្លាំងអន្ដរជាតិក្នុងការជួយប្រទេសនេះប្រយុទ្ធប្រឆាំងនឹងក្រុមជីហាដនិយម។
កាលពីថ្ងៃអាទិត្យ បញ្ជាការប្រតិបត្តិការរួមរបស់អ៊ីរ៉ាក់បានព្រមានថា ជនស៊ីវិលរាប់ម៉ឺននាក់ដែលនៅតែស្ថិតក្នុងទីក្រុង Fallujah ត្រូវតែចាកចេញ។អ្នកប្រយុទ្ធប្រឆាំងរដ្ឋាភិបាលបានរឹបអូសយកទីក្រុងនេះបន្ទាប់ពីកងទ័ពត្រូវបានដកចេញហើយក្រោយមក Fallujah បានក្លាយជាបន្ទាយចម្បងរបស់ក្រុម IS។
Fallujah និងទីក្រុងទីពីរគឺ Mosul ដែលជារដ្ឋធានីនៃខេត្តភាគខាងជើង Nineveh គឺជាទីក្រុងធំទាំងពីរចុងក្រោយដែលក្រុម IS នៅតែកាន់កាប់ក្នុងប្រទេសអ៊ីរ៉ាក់ ។ប៉ុន្តែការប្រយុទ្ធសម្រាប់ទីក្រុង Fallujah នឹងក្លាយជាបញ្ហាប្រឈមដ៏ធ្ងន់ធ្ងរបំផុតដែលពួកគេមិនទាន់បានប្រឈមមុខនៅឡើយ៕
Iraqi security forces gather on the outskirts of Fallujah as they prepare an operation aimed at retaking the city from the Islamic State (IS) group, on May 22, 2016. Iraqi forces have in recent days been massing around Fallujah, a city which lies only 50 kilometres west of Baghdad and which has been out of government control since January 2014. / AFP PHOTO / AHMAD AL-RUBAYEAHMAD AL-RUBAYE/AFP/Getty Images ORG XMIT: 6308 ORIG FILE ID: 552207553
