បាក់អណ្តូងរ៉ែនៅមីយ៉ាន់ម៉ាសម្លាប់មនុស្ស១២នាក់ ខណៈច្រើនបាត់ខ្លួន
មីយ៉ាន់ម៉ា៖យោងតាមសារព័ត៌មាន Channel News Asia បានផ្សាយថា មានហេតុការណ៍បាក់អណ្តុអរ៉ែមួយកន្លែងនៅភាគខាងជើងប្រទេសមីយ៉ាន់ម៉ាបណ្តាលឲ្យមនុស្សស្លាប់១២នាក់។
អាជ្ញាធរដែនដីបានឲ្យដឹងថា ការបាក់អណ្តូងជីកយករ៉ែថ្មើមថ្មមានតម្លៃរាប់ពានលានដុល្លារនៅក្នុងក្រុងប៉ាកាន នៅក្នុងរដ្ឋកាជីន គឺបាក់បន្ទាប់ពីមានភ្លៀងមួយមេធំ។ អាជ្ញាធរបញ្ជាក់ថា សាកសពចំនួន១២នាក់ត្រូវបានរកឃើញនៅក្រោមកំទេចដី និងជញ្ជាំង ហើយមនុស្សជាច្រើនទៀតនៅបាត់ខ្លួន។ ទោះយ៉ាងណាមន្ត្រីនគរបាលបញ្ជាក់ថា ពួកគេពិបាកក្នុងការជួយសង្គ្រោះ ដោយសារមានការភ្លៀងជាថ្មី ហើយមានបាក់ដីបន្ថែមទៀត៕
