អ្នកវាយតំណាងរាស្ត្រ CNRP ត្រូវផ្តន្ទាទោសជាប់ពន្ធនាគារ៤ឆ្នាំ
រាជធានីភ្នំពេញ៖ជនជាប់ចោទ៣នាក់ដែលបានវាយដំ តំណាងរាស្ត្រគណបក្សសង្គ្រោះជាតិ២រូប ត្រូវបានសាលាដំបូងរាជធានីភ្នំពេញ សម្រេចផ្តន្ទាទោសចំនួន៤ឆ្នាំ និងពិន័យប្រាក់ក្នុងម្នាក់ៗ ៤០លានរៀល ប៉ុន្តែទោសដែលអនុវត្តនៅក្នុង ពន្ធនាគារនឹងមានរយៈពេល១ឆ្នាំ។
ជនជាប់ចោទ ទាំង៣រូបនោះរួមមាន ឈ្មោះ ចាយ សារិទ្ធ អាយុ៣២ឆ្នាំ ឈ្មោះ ម៉ៅ ហឿន អាយុ៣៤ឆ្នាំ និង ឈ្មោះ សុត វណ្ណនី អាយុ៤៥ឆ្នាំ ដែលជាប់ចោទពីបទហិង្សា ដោយចេតនាមានស្ថានទម្ងន់ទោស និងបទធ្វើឱ្យខូចខាតដោយចេតនា មានស្ថានទម្ងន់ទោស តាមមាត្រា២១៨ និង មាត្រា៤១១នៃក្រមព្រហ្មទណ្ឌ ៕
