ឥណ្ឌូណេស៊ីចាប់ទូកនេសាទចិនមួយគ្រឿងទៀតហើយនៅកោះណាទូណា
ឥណ្ឌូណេស៊ី៖កងទ័ពជើងទឹករបស់ឥណ្ឌូណេស៊ីកាលពីថ្ងៃអាទិត្យម្សិលមិញបាននិយាយថា ខ្លួនបានស្ទាក់ចាប់នាវានេសាទរបស់ចិនខុសច្បាប់ជាមួយមនុស្ស៨នាក់នៅដែនទឹកនៃកោះណាទូណាមួយគ្រឿងទៀតហើយ ខណៈកំពុងល្បាត។ នេះបើយោងតាមសារព័ត៌មាន Channel News Asia។
ប្រភពដដែលបន្តថា នាវាចិនត្រូវបានអាជ្ញាធរឥណ្ឌូណេស៊ីចាប់ដោយចោទថាបានចូលនេសាទខុសច្បាប់ ខណៈក្រុងប៉េកាំងចោទឥណ្ឌូណេស៊ីថាបានវាយប្រហារទៅលើនាវាដែលនេសាទនៅលើដែនទឹករបស់ខ្លួន។
គួរបញ្ជាក់ថា ប្រទេសឥណ្ឌូណេស៊ីកាលពីថ្ងៃសុក្រសប្ដាហ៍មុនបានចាប់នាវាចិនមួយគ្រឿងដែលសង្ស័យថាបានចូលនេសាទដោយខុសច្បាប់ គ្រាដែលប្រទេសទាំងពីរកំពុងប្រទាញប្រទូងគ្នាជុំវិញនាវានេសាទចូលដែនទឹកនៃកោះណាទូណា៕
