ខេត្តកំពត៖កម្លាំងការិយាល័យនគរបាលប្រឆាំងគ្រឿងញៀនខេត្តសហការជាមួយកម្លាំងអធិការដ្ឋាននគរបាលក្រុងកំពតបានឃាត់ខ្លួនមុខសញ្ញាចែកចាយថ្នាំញៀនដ៏សកម្មម្នាក់ រួមនិងថ្នាំញៀន៧កញ្ចប់។ ការឃាត់ខ្លួននេះធ្វើឡើងកាលពីម៉ោង៤រសៀល ថ្ងៃទី៧ ខែមិថុនា ឆ្នាំ២០១៦ ចំណុចហាងកាហ្វេបៃតង ស្ថិតក្នុងភូមិកំពង់បាយខាងត្បូង សង្កាត់កំពង់បាយ ក្រុងកំពត ខេត្តកំពត។
មន្ត្រីនគរបាលប្រឆាំងគ្រឿងញៀនខេត្តបានឲ្យដឹងថា ជនសង្ស័យឈ្មោះ តេង ក្លូ អាយុ២៧ឆ្នាំ រស់នៅភូមិក្រាំង សង្កាត់ក្រាំងអំពិល ក្រុងនិងខេត្តកំពត។ វត្ថុតាងរឹបអូសបាន រួមមាន ថ្នាំញៀនប្រភេទម៉ាទឹកកក ចំនួន០៧កញ្ចប់តូច។
ក្រោយឃាត់ខ្លួនភ្លាមកម្លាំងខាងលើ បានបន្តទៅឆែកឆេរ ដែលជនសង្ស័យធ្វើការ និងស្នាក់នៅ ក្នុងផ្ទះសំណាក់ យីហោ «ពន្លឺដារ៉ា» បន្ទប់លេខ ០០៩ ស្ថិតក្នុងភូមិក្រាំង សង្កាត់ក្រាំងអំពិល ក្រុងកំពត ខេត្តកំពត កម្លាំងបានរកឃើញ សម្ភារពាក់ព័ន្ធគ្រឿងញៀន មួយចំនួន។
បច្ចុប្បន្ម ជនសង្ស័យ ត្រូវបានកំពុងសាកសួរ នៅការិយាល័យនគរបាលប្រឆាំងគ្រឿងញៀនខេត្ត ដើម្បីចាត់ការតាមនីតិវិធីច្បាប់៕
