នាវាមុជទឹកអាមេរិកបង្ហាញខ្លួនលើកដំបូងនៅកូរ៉េខាងត្បូង
សេអ៊ូល៖នាវាមុជទឹកដើរដោយថាមពលនុយក្លេអ៊ែររបស់សហរដ្ឋអាមេរិកមួយគ្រឿងឈ្មោះ USS Mississippi បានមកដល់ប្រទេសកូរ៉េខាងត្បូងជាលើកដំបូងជាមួយនឹងសហនាវិក១៤១នាក់។ នេះបើយោងតាមសារព័ត៌មានយ៉ុនហាប់របស់កូរ៉េខាងត្បូង។
នាវាមុជទឹកមួយគ្រឿងនេះបានចូលចតនៅកំពង់ផែ Busan នៃប្រទេសកូរ៉េខាងត្បូងដើម្បីចូលរួមនៅក្នុងសកម្មភាពមួយចំនួនក្នុងគោលដៅសន្ដិសុខក្នុងតំបន់ ហើយនិងចូលរួមក្នុងសមយុទ្ធ ជាមួយយោធាកូរ៉េខាងត្បូងផងដែរ។ នេះបើយោងតាមសេចក្ដីថ្លែងការណ៍របស់ក្រុមយោធា Group Seven។
គួរបញ្ជាក់ថា នាវាមុជទឹកនេះ មានទម្ងន់ប្រហែល ៧០០០តោន និងផ្តល់ការគាំទ្រក្នុងអំឡុងពេលប្រតិបត្តិការប្រឆាំងនៅលើផ្ទៃដី និងប្រឆាំងនាវាមុជទឹក៕
