ខេត្តរតនគិរី៖ជំនួញឈើប្រណីតប្រភេទធ្នង់ និងគ្រញូងខុសច្បាប់ត្រូវបាសនគេមើលឃើញថាបាននិងកំពុងចរាចរណ៍យ៉ាងគគ្រឹកគរគ្រេងតាមរយៈរថយន្តស៊េរីទំនើបៗឆ្ពោះទៅកាន់ប្រទេសវៀតណាម គ្រាដែលមានការសង្ស័យថា មានការបើកភ្លើងខៀវពីនាយខណ្ឌរដ្ឋបាលព្រៃឈើខេត្ត។
ប្រភពព័ត៌មានពីក្រុមប្រជាពលរដ្ឋរស់នៅស្រុកវើនសៃបានឲ្យដឹងថាមានក្រុមឈ្មួញរកស៊ីដឹកជញ្ជូនឈើប្រណិតខុសច្បាប់តាមរយៈរថយន្តស៊េរីទំនើបៗដូចជាប្រភេទរថយន្តធុនត្រាហាយ ឡែនឌឺ តូយូតាមួយបាំងកន្លះ បាឡែនដឹកជញ្ជូនចេញពីស្រុកវើនសៃ ស្រុកតាវែងកាត់តាមផ្លូវអូជុំ ចូលមកក្នុងខេត្តរតនគិរី។ ប្រភពបន្តថា ឈើបទល្មើសខាងលើដឹកជញ្ជូនចេញពីខេត្តរតនគិរីតាមផ្លូវជាតិលេខ៧៨ឆ្ពោះទៅស្រុកអូរយ៉ាដាវចុះតាមច្រកល្បៀងភូមិភិតាមប៉ុស្តិ៍ទាហានកាពាព្រំដែនគោកកងអនុសេនាតូចទី០១ប៉ុស្តិ៍ភូមិភិ និងវរៈសេនាតូច៦២៣ប៉ុស្តិ៍នគរបាលកាពាព្រំដែនគោកលេខ៥០៩ប្រចាំភូមិភិ។
ដោយឡែកបើតាមសម្តីនាយទាហានកងអនុសេនាតូចទី០១ ប៉ុស្តិ៍ភូមិភិ លោកសួន គិម បាននិយាយឲ្យដឹងថា រូបគេឈរជើងនៅប៉ុស្តិ៍ខាងលើមិនបានលុយពីបទល្មើសឈើប្រណីតខុសច្បាប់ខាងលើនោះទេ គឺគេចាំយកលុយបទល្មើស ខាងលើឲ្យមេពួកគេទេ។
គួរបញ្ជាក់ថា នៅទីតាំកងវរៈសេនាតូចទី០១ ប៉ុស្តិ៍ភូមិភិ ខាងលើមានកងកម្លាំងប្រដាប់អាវុធ(PM)ចងអង្រឹងជាច្រើនអ្នក ចាំយកលុយពីអ្នកដឹកឈើបទល្មើសខុសច្បាប់នៅទីនោះយ៉ាងគគ្រឹកគ្រេងផងដែរ។
នាយខណ្ឌរដ្ឋបាលព្រៃឈើខេត្តរតនគិរីលោក កែប កត់ ភ្នាក់ងាព័ត៌មានមេគង្គប៉ុស្តិ៍ខលទូរស័ព្ទសុំការបំភ្លឺករណីដឹកជញ្ជូនឈើប្រណីតខុសច្បាប់ខាងលើ លោកបានលើកទទួលទូរស័ព្ទគ្រាន់តែដឹងថា ភ្នាក់ងារព័ត៌មានលោកក៏បិទទូរស័ព្ទវិញតែម្តង។
ចំណែកនាយផ្នែករដ្ឋបាលព្រៃឈើស្រុកបរកែវ លោក លេង យុក បានឲ្យដឹងថា លោកបាននឹងកំពុងមានវិធានការទប់ស្កាត់បទល្មើសរថយន្តដឹកឈើប្រណីតខុសច្បាប់ខាងលើ៕ដោយ៖ សារ៉េត
