រាជធានីភ្នំពេញ៖សង្ឃមួយអង្គ ដែលបានបង្ហោះរូបអាក្រាតបង្ហាញលិង្គធ្វើឲ្យភ្ញាក់ផ្អើលនិងរិះគន់ខ្លាំងៗលើសង្គមហ្វេសប៊ុកដែលមានឈ្មោះ វ៉ា ស៊ីណាន ខណៈនេះក្រសួងធម្មការ និងកិច្ចការសាសនាកំពុងតាមរកយកមកដុសក្អែល។
អ្នកនាំពាក្យក្រសួងធម្មការនិងសាសនា លោក សេង សុមុន្នី ត្រូវបានសារព័ត៌មានដកស្រង់សំដីមកចុះផ្សាយដោយបានអះអាងថា ក្រសួងធម្មការ និងសាសនារួមជាមួយគណៈសង្ឃនាយកបាននិងកំពុងតាមស្វែងរកព្រះភិក្ខុអគ្គ មុន្នី វ៉ាស៊ីណាន ដែលបានបង្ហោះរូបអាក្រាតកាយ និងវីដេអូសេពកាមលើហ្វេសប៊ុកបណ្ដាលឲ្យប៉ះពាល់ដល់សេចក្ដីថ្លៃថ្នូរ និងតម្លៃព្រះពុទ្ធសាសនានោះ ដើម្បីយកមកអប់រំតាមធម្មវិន័យ នៃពុទ្ធសាសនា។ តែបើមិនអាចអប់រំបានទេខាងគណៈសង្ឃនឹងអនុម័តគ្នាធ្វើការផ្សឹកព្រះសង្ឃអង្គនេះដើម្បីកុំឱ្យមានការប៉ះពាល់ដល់តម្លៃព្រះពុទ្ធសាសនាតទៅទៀត។
គួរម្លឹកថា កាលពីពេលថ្មីៗនេះព្រះភិក្ខុអគ្គមុន្នីវ៉ាស៊ីណានបានបង្ហោះរូបភាពអាក្រាតនិងថតវីដេអូសេពកាមខ្លួនឯងបង្ហោះលើបណ្ដាញសង្គមហ្វេសប៊ុក ដែលធ្វើឲ្យមជ្ឈដ្ឋានទូទៅធ្វើការរិះគន់យ៉ាងខ្លាំង ដោយសារតែទង្វើនោះធ្វើឲ្យប៉ះពាល់ធ្ងន់ធ្ងរដល់តម្លៃព្រះពុទ្ធសាសនា ដែលជាសាសនារបស់រដ្ឋ៕
