ឡើងចាប់សត្វលើបង្គោលភ្លើងបណ្តាលឲ្យឆក់ស្លាប់
ខេត្តព្រះវិហារ៖ក្មេងប្រុសអាយុ១៣ឆ្នាំម្នាក់បានស្លាប់ភា្លមៗនៅនឹងកន្លែងគ្រាដែលឡើងចាប់សត្វព្រៃនៅលើបង្គោលភ្លើង។ ហេតុការណ៍នេះកើតឡើងនៅរសៀលថ្ងៃទី១៦ ខែមិថុនា ឆ្នាំ២០១៦ម្សិលមិញនេះនៅចំណុចអូរប្រាប ស្ថិតក្នុងភូមិសង្កែ ឃុំសង្កែមួយ ស្រុកឆែប ខេត្តព្រះវិហារ។
សមត្ថកិច្ចឲ្យដឹងថា មុនពេលកើតហេតុក្មេងប្រុសម្នាក់ឈ្មោះ ឡាន់ ផល្លា អាយុ១៣ឆ្នាំ បានឡើងចាប់កូនសត្វព្រៃនៅតាមបង្គោលភ្លើង ខណៈពេលដែលកំពុងឡើងនោះ ស្រាប់តែឆ្លងចរន្តអគ្គិសនីឆក់ស្លាប់ភា្លមៗនៅកន្លែងកើតហេតុតែម្ដង។ ក្រោយពេលកើតហេតុ សមត្ថកិច្ចបានទាក់ទងទៅក្រុមគ្រូសារសព ដើម្បីយកមកធ្វើបុណ្យតាមប្រពៃណី៕
