ភ្លៀងលាយខ្យល់កន្ទ្រាក់បំផ្លាញផ្ទះប្រជាពលរដ្ឋ៥០ខ្នងនៅប៉ៃលិន
ខេត្តប៉ៃលិន៖ផ្ទះប្រជាពលរដ្ឋចំនួន៥០ខ្នងបានរងការខូចខាត ក្នុងនោះមាន១៩ខ្នង ត្រូវខ្យល់ប៉ើងខូចខាងធ្ងន់ធ្ងរ បន្ទាប់ពីមានភ្លៀងធ្លាក់ខ្លាំងលាយជាមួយខ្យល់កន្ត្រាក់នៅព្រលប់ថ្ងៃទី១៩ ខែមិថុនា ឆ្នាំ២០១៦។ ហេតុការណ៍នេះកើតឡើងនៅសង្កាត់អូរតាវ៉ៅ ក្រុងប៉ៃលិន ខេត្តប៉ៃលិន។
សមាជិក ក្រុមប្រឹក្សាសង្កាត់អូរតាវ៉ៅ លោកស្រី ពេញ ម៉ូយ ឲ្យដឹងថា នៅល្ងាចមិញ មានភ្លៀងធ្លាក់លាយខ្យល់កន្ត្រាក់ ពីទិសខាងកើត ធ្វើអោយផ្ទះប្រជាពលរដ្ឋចំនួន៥០ខ្នង ត្រូវខ្យល់ប៉ើងដំបូល, ក្នុងនោះមាន១៩ខ្នង ត្រូវខ្យល់ប៉ើងខូចខាងធ្ងន់ធ្ងរ ដោយក្នុងនោះមានភូមិខ្លុង ភូមិដីក្រហម ភូមិកូនភ្នំ ភូមិអូតាវ៉ៅ និងភូមិក្បាលព្រលាន៕
