ខេត្តព្រះវិហារ៖ដោយគ្រាន់តែម្តាយស្តីបន្ទោសបន្តិចបន្តួចរឿងដើរផឹកស៊ីមិនជួយធ្វើការងារ យុវជនម្នាក់ជាចិត្តខ្លាំងម្នាក់សម្រេចចិត្តចងកសម្លាប់ខ្លួន។ ហេតុការណ៍ភ្ញាក់ផ្អើលនេះកើតឡើងនៅវេលាម៉ោង០៦ និង០០នាទី នាព្រឹកថ្ងៃទី០៦ ខែ កក្កដា ឆ្នាំ២០១៦នេះនៅផ្ទះជនរងគ្រោះភូមិរំចេក ឃុំរមណីស្រុករវៀង ខេត្តព្រះវិហារ។
មេប៉ុសិ៍រមណិ៍ លោក ទិត្យ អឿន បានឲ្យដឹងថា ជនរងគ្រោះមានឈ្មោះ អ៊ុន ស៊ីណាត ភេទប្រុស អាយុ២៥ មុខរបរកម្មករមានទីលំនៅកន្លែងកើតហេតុខាងលើ។ លោកបន្តថា មូលហេតុដែលបណ្តាលឲ្យបុរសនោះគិតខ្លីដោយសារម្ដាយស្តីបន្ទោសរឿងផឹកស៊ីមិនធ្វើការបន្តិចបន្តួចតែប៉ុណ្ណោះបុរសខាងលើក៏សំរេចចិត្តចងកតែម្ដង។ លោកបញ្ជាក់ថា ឆ្លងតាមការធ្វើកោសល្យវិច័យរបស់សមត្ថកិច្ចចម្រុះ និងគ្រូពេទ្យអយ្យការបានបង្ហាញថា ជនរងគ្រោះពិតជាបានចងកសម្លាប់ខ្លួនឯងទៅនឹងធ្នឹមផ្ទះ។
ក្រោយពីសមត្ថកិច្ចចុះធ្វើកោសល្យវិច័យរួចរាល់ បានប្រគល់សាកសពជូនក្រុមគ្រួសារដើម្បីធ្វើបុណ្យតាមប្រពៃណី៕
