រាជធានីភ្នំពេញ៖រនាំងដែក២ផ្ទាំងបានបាក់ ដោយសារបុរសស្រវឹងស្រាម្នាក់បើករថយន្តឡិចស៊ីស RX 300 បុក ។ ហេតុការណ៦នេះកើតឡើងនៅវេលាម៉ោង១ និង១០នាទីរំលងអធ្រាត្រឈានចូលថ្ងៃទី៩ ខែកក្កដា ឆ្នាំ២០១៦នៅមុខព្រលានយន្តហោះអន្តរជាតិភ្នំពេញតាមបណ្តោយមហាវិថីសហព័ន្ធរុស្ស៉ី ស្ថិតក្នុងសង្កាត់កាកាប ខណ្ឌពោធិ៍សែនជ័យ។
ប្រភពបានប្រាប់ថា មុនកើហេតុគេបានឃើញបុរសស្រវឹង ស្រាម្នាក់ បានបើករថយន្តឡិចស៊ីស RX300 ពាក់ស្លាកលេខ ភ្នំពេញ 2AK-1070 បើកក្នុងទិសដៅពីកើតទៅលិច លុះមកដល់ចំណុចកើតហេតុ ក៏រេចង្កូតទៅបុករនាំងដែកពុះចែកទ្រូងផ្លូវបណ្តលឲ្យបាក់អស់២ផ្ទាំង និងបណ្តាលឲ្យរថយន្តបែកកង់ខាងមុខ មិនអាចបន្តដំណើរទៅមុខទៀតបាន តែមិនបណ្តាលឲ្យអ្នកបើកបររងរបួសនោះទេ។
ក្រោយកើតហេតុទាំងអ្នកបើកបរ ទាំងរថយន្តត្រូវបាន មន្ត្រីជំនាញចុះមកយកទៅរក្សារទុកនៅការិយាល័យចរាចរណ៍ផ្លូវគោក នៃស្នងការដ្ឋាននគរបាលក្រុងភ្នំពេញ ដើម្បីដោះស្រាយគ្នា៕
