ម្សិលមិញឃាត់ខ្លួនមនុស្ស៨នាក់ពាក់ព័ន្ធបទល្មើសគ្រឿងញៀន
រាជធានីភ្នំពេញ៖នៅថ្ងៃទី១៤ ខែកក្កដា ឆ្នាំ២០១៦ ម្សិលមិញនេះកម្លាំងនគរបាលបានបង្ក្រាបបទល្មើសជួញដូរ រក្សាទុកនិងប្រើប្រាស់ ៦ករណី ឃាត់មនុស្ស៨នាក់ ក្នុងនោះមុខសញ្ញាជួញដូរ៧នាក់ និងមុខសញ្ញាប្រើប្រាស់ម្នាក់ ដកហូតថ្នាំញៀន មេតំហ្វេតាមីន (ice) ២.២៧ក្រាម ១កញ្ចប់ធំ និង៤កញ្ចប់តូច។
យោងតាមរបាយការណ៍របស់អគ្គស្នងការនគរបាលជាតិបានឲ្យដឹងថា ជនសង្ស័យទាំងនោះត្រូវបានបង្ក្រាប ដោយមន្ទីរប្រឆាំងគ្រឿងញៀន ១ករណីឃាត់ខ្លួនម្នាក់, នគរបាលរាជធានីភ្នំពេញ បង្ក្រាប២ករណី ឃាត់ខ្លួន៤នាក់, នគរបាលខេត្តសៀមរាបបង្ក្រាប១ករណី ឃាត់ខ្លួនម្នាក់, នគរបាលខេត្តកំពង់ចាម បង្ក្រាប១ករណី ឃាត់ខ្លួនម្នាក់ និងនគរបាលខេត្តពោធិ៍សាត់ បង្ក្រាប១ករណីឃាត់ខ្លួនម្នាក់៕
