ស្ត្រីកម្មករសំណង់ម្នាក់ឆក់ខ្សែភ្លើងស្លាប់ពេលកំពុងសំអាតផ្ទះ
ខេត្តបាត់ដំបង៖ហេតុការណ៍ឆក់ខ្សែនេះកើតឡើងកាលពីវេលាម៉ោង៣ និង០០រសៀលថ្ងៃទី២៨ ខែកក្កដា ឆ្នាំ២០១៦ក្នុងចំណុចភូមិចំការសំរោង២ សង្កាត់ចំការសំរោង ក្រុងនិងខេត្តបាត់ដំបង។ ស្ត្រីជនរងគ្រោះមានឈ្មោះអួប គី ភេទស្រី អាយុ៥៧ឆ្នាំ មុខរបរកម្មករសំណង់រស់នៅភូមិ សង្កាត់កន្លែងកើតហេតុខាងលើ។
ប្រជាពលរដ្ឋបានអោយដឹងថា មុនពេលកើតហេតុស្រីជនរងគ្រោះបានសំអាតជុំវិញសំណង់ផ្ទះហើយបានប្រមូលខ្សែភ្លើងដែលក្រុមជាងតសម្រាប់ផ្សារដេក ដោយជនរងគ្រោះនឹកស្មានថា ជាខ្សែគ្មានភ្លើង ស្រាប់តែប៉ះ និងកន្លែងដាច់រលាត់ក៏ឆក់ស្លាប់តែម្តងបើទោះបីយកទៅសង្គ្រោះគប់ដីខ្សាច់រយៈពេលយូរយ៉ាងណាក៏ដោយ៕
