រាជធានីភ្នំពេញ៖នៅថ្ងៃទី០១ ខែសីហា ឆ្នាំ២០១៦ម្សិលមិញនេះកម្លាំងនគរបាលជាតិបានបង្ក្រាបបទ ល្មើសជួញ ដូររក្សាទុក និងប្រើប្រាស់គ្រឿងញៀន៦ករណី ឃាត់មនុស្ស១៥នាក់ ក្នុងនោះមានមុខសញ្ញាជួញដូរ៥នាក់ និងមុខសញ្ញាប្រើប្រាស់១០នាក់ និងរឹបអូសបាមេតំហ្វេតាមីន (ice) ០.៤៣ក្រាម, ១កញ្ចប់ធំ និង១៧កញ្ចប់តូច។ នេះបើតាមគេហទំព័រអគ្គស្នងការនគរបាលជាតិ។
ប្រភពដដែលបញ្ជាក់ថា ទីតាំងដែលបង្ក្រាបបានទី១.ភ្នំពេញ បង្ក្រាប៣ករណី ឃាត់ខ្លួនមុខសញ្ញាប្រើប្រាស់១០នាក់ ដកហូតមេតំហ្វេតាមីន (ice) ៤កញ្ចប់តូច, ទី២.កណ្ដាល បង្ក្រាប១ករណីឃាត់ខ្លួនមុខសញ្ញាជួញដូរ២នាក់ ដកហូតមេតំហ្វេតាមីន (ice) ៣កញ្ចប់តូច, ទី៣.ក្រចេះ បង្ក្រាប១ករណីឃាត់ខ្លួនមុខសញ្ញាជួញដូរម្នាក់ ដកហូតមេតំហ្វេតាមីន (ice) ១កញ្ចប់ធំ និង១០កញ្ចប់តូច, ទី៤.ត្បូងឃ្មុំ បង្ក្រាប១ករណី ឃាត់ខ្លួនមុខសញ្ញាជួញដូរ២នាក់ ដកហូតមេតំហ្វេតាមីន (ice) ០.៤៣ក្រាម៕
