គោមួយក្រោលត្រូវរន្ទះបាញ់ងាប់នៅខេត្តក្រចេះ
ខេត្តក្រចេះ៖បាតុភូតរន្ទះបាញ់បានធ្វើឲ្យមានការភ័យរន្ធត់យ៉ាងខ្លាំងនៅវេលាម៉ោងប្រមាណ៨យប់ ថ្ងៃទី២ ខែសីហា ឆ្នាំ២០១៦ ខណៈដែលរន្ទះបាញ់សម្លាប់សត្វគោនៅក្នុងក្រោលអស់ចំនួន១៤ក្បាល។ ហេតុការណ៍នេះ កើតឡើងនៅចំណុចភូមិអូរតាណឹង ឃុំក្បាលដំរី ស្រុកសំបូរ ខេត្តក្រចេះ។
ប្រជាពលរដ្ឋបង្ហាញនូវក្តីកង្វល់យ៉ាងខ្លាំង ចំពោះបាតុភូតរន្ទះបាញ់នេះ ព្រោះតែកើតឡើងជាញឹកញ៉ាប់និងបន្តបន្ទាប់ ព្រមទាំងប្រហារជីវិតមនុស្សសត្វជាច្រើនមកហើយក្នុងពេលដែលសមត្ថកិច្ចជំនាញបានត្រឹមអំពាវនាវឲ្យមានការប្រុងប្រយ័ត្នតែមិនដាក់ចេញនូវវិធានការ៕
