បញ្ជូនជនសង្ស័យម្នាក់ទៅតុលាការពាក់ព័ន្ធករណីលួចគាស់ផ្ទះ
ខេត្តបាត់ដំបង៖កម្លាំងរបស់ទីបញ្ជាការកងរាជអាវុធហត្ថក្រុងខេត្តបាត់ដំបងនៅព្រឹកថ្ងៃទី០៩ ខែសីហានេះបានបញ្ជូនជនសង្ស័យម្នាក់ទៅកាន់តុលាការបន្ទាប់ពីស្រាវជ្រាវកំណត់មុខសញ្ញាច្បាស់លាស់ យោងតាមពាក្យបណ្តឹងរបស់ជនរងគ្រោះកាលពីថ្ងៃទី០៦ ខែសីហា ឆ្នាំ២០១៦។
ជនដង្ស័យមានឈ្មោះលឹម ចិន្តា ហៅដា ភេទប្រុស អាយុ៣២ឆ្នាំ មុខរបរមិនពិតប្រាកដរស់នៅភូមិរំចេក៣ សង្កាត់រតនះ ក្រុងបាត់ដំបង ខេត្តបាត់ដំបង បានធ្វើសកម្មភាពយកដែកវែងគាស់ទៅលើចម្រឹងបង្អួចផ្ទះប្រជាពលរដ្ឋយកបានទ្រព្យសម្បត្តិមួយចំនួនរបស់ជនរងគ្រោះឈ្មោះប៉ែល អមរា ភេទប្រុស អាយុ៣៧ឆ្នាំ ជាមន្ត្រីកងរាជអាវុធហត្ថរស់នៅចំនុចកើតហេតុខាងលើ ។
ករណីខាងដើមនេះ ជនដៃដល់ត្រូវបានឃាត់ខ្លួននៅថ្ងៃទី០៧ ខែសីហាកន្លងមកនេះហើយកសាងសំណុំរឿងតាមនិតិវិធី៕
