ព្រឹកនេះតុលាការបន្តសាកសួរឃាតករបាញ់សម្លាប់លោក កែម ឡី
រាជធានីភ្នំពេញ៖នៅព្រឹកថ្ងៃទី១២ ខែសីហា ឆ្នាំ២០១៦នេះមន្ត្រីពន្ធនាគារព្រៃសបានបញ្ជូនឃាតករដែលបាញ់សម្លាប់លោក កែម ឡី ឈ្មោះ ជួប សម្លាប់ មកដល់សាលាដំបូងរាជធានីភ្នំពេញ ដើម្បីសាកសួរបន្ថែម។ ការសាកសួរបន្ថែមនេះ ធ្វើឡើងដោយចៅក្រមស៊ើបសួរ សេង លាង។
ជនដៃដល់រូបនេះត្រូវបានចៅក្រមស៊ើបសួរ នៃសាលាដំបូងរាជធានីភ្នំពេញ លោក សេង លាង សម្រេចឃុំខ្លួនជាបណ្តោះអាសន្ន កាលពីថ្ងៃទី១៣ ខែកក្កដា ឆ្នាំ២០១៦ ដោយចោទប្រកាន់ចំនួន២ករណី ដែលធ្វើឱ្យរូបគេប្រឈម នឹងការជាប់ពន្ធនាគារមួយជីវិតក្នុងនោះទី១ ពីបទឃាតកម្មគិតទុកជាមុន និងទី២ ជាបទ កាន់កាប់អាវុធគ្មានការអនុញ្ញាត៕
