ដោយ៖ប៉ែនសុផល
បាត់ដំបង៖បុរសវ័យចំណាស់ម្នាក់ត្រូវបានក្រុមគ្រួសារសង្ស័យថាកំរោលចូលបានយកកន្សែងពោះគោទៅចងកធ្វើអត្តឃាតដោយខ្លួនឯងទៅនឹងមែកពុទ្រាខាងក្រោយផ្ទះចំងាយប្រហែល១៥០ម៉ែត្រ។
ហេតុការណ៍ធ្វើអត្តឃាតខាងលើនេះបានកើតឡើងកាលពី វេលាម៉ោង៥ និង១៥នាទីព្រឹក ថ្ងៃទី១៦ ខែសីហា ឆ្នាំ២០១៦នៅចំណុចក្រុមទី០១ ភូមិគគី ឃុំភ្នំព្រឹក ស្រុកភ្នំព្រឹក ខេត្តបាត់ដំបង។
ជនរងគ្រោះ ឈ្មោះ ឡោ ហ៊ុន ភេទប្រុស អាយុ50ឆ្នាំ រស់នៅភូមិ -ឃុំកើតហេតុខាងលើ ។
លោកសុង សុភ័ក្ត្រ អធិការស្រុកភ្នំព្រឹកបានអោយដឹងថា មូលហេតុដែលជនរងគ្រោះបានធ្វើអត្តឃាតចងកសម្លាប់ខ្លួនឯងសង្ស័យថា ជាករណីកំរោលចូលខ្លួន ព្រោះរយៈពេល៣ថ្ងៃ មកហើយជនរងគ្រោះចេះតែរកចងក ធ្វើអត្តឃាខ្លួនឯង ទើបថ្ងៃនេះចងបានសម្រេចតែម្តង។
បច្ចុប្បន្នសពជនរងគ្រោះត្រូវបានក្រុមគ្រួសារយករៀបចំធ្វើបុណ្យតាមប្រពៃណី៕
