ដោយ៖ប៉ែនសុផល
បាត់ដំបង៖កម្លាំងនគរបាលជំនាញស្រុកភ្នំព្រឹកដឹកនាំបញ្ជាផ្ទាល់ដលោយលោកវរៈសេនីយ៍ទោសុងសុភ័ក្ត្រអធិការនគរបាលស្រុកភ្នំព្រឹកនៃអធិការដ្ឋាននគរបាលបានសហការជាមួយកម្លាំងប៉ុស្តិ៍នគរបាលរដ្ឋបាលឃុំពេជ្រចិន្តាបានចុះធ្វើកិច្ចប្រតិបត្តិការបង្ក្រាបករណីដួញដូរ រក្សាទុក ដឹកជញ្ជូន និងប្រើប្រាស់នូវសារធាតុញៀនដោយខុសច្បាប់មួយករណី នៅ ថ្ងៃទី២២ សីហា ២០១៦ វេលាម៉ោង១៤ និង១០នាទី នៅត្រង់ចំណុចភូមិភ្នំតូច ឃុំពេជ្រចិន្តា និង ចាប់ឃាត់ខ្លួនជនសង្ស័យម្នាក់ ឈ្មោះឈុន មេតា ហៅតឿភេទប្រុស អាយុ២៣ឆ្នាំ រស់នៅ ភូមិ- ឃុំខាងលើ ដកហូតបានថ្នាំញៀនម្សៅក្រាមស ថ្លាចំនួន០៧កញ្ចប់ ដែលសង្ស័យថាជាសាធាតុញៀន ទូសព្ទ័ចំនួន០១គ្រឿង និងសំភារៈពាក់ព័ន្ធគ្រឿងញៀនមួយចំនួន ទៀត ។
បន្ទាប់បានសួរ ចម្លើយមកជនសង្ស័យខាងលើបានចង្អុលបង្ហាញបក្ខពួករបស់គេម្នាក់ទៀតនិងឈានដល់ការឃាត់ខ្លួននៅ ថ្ងៃទី២២ សីហា ២០១៦ វេលាម៉ោង១៥.៤៥នាទី នៅត្រង់ចំណុចភូមិអូរ ឃុំពេជ្រចិន្តា ខេត្តបាត់ដំបង ចាប់ឃាត់ខ្លួនជនសង្ស័យ០១នាក់ទៀត ឈ្មោះ ស៊ិន ចាន់ភេទប្រុសអាយុ៣៥ឆ្នាំ រស់នៅភូមិ-ឃុំខាងលើព្រមទាំង ដកហូតបានគ្រាប់ថ្នាំមានរាងមូលសំប៉ែតពណ៍ស្លាទុំមានអក្សរ wy ចំនួន១០គ្រាប់ សង្ស័យថាជាសាធាតុញៀន។
ករណីខាងលើនេះ សមត្ថកិច្ចយើងបានកំពុងកសាងសំណុំឯកសារ និងបញ្ជូនខ្លួនជនសង្ស័យទៅការិយាល័យជំនាញដើម្បីចាត់ការតាមនីតិវិធី ៕
