ឃាត់ខ្លួនមនុស្ស១៤នាក់ពាក់ព័ន្ធករណីគ្រឿងញៀន
រាជធានីភ្នំពេញ៖កម្លាំងចម្រុះនៃអធិការដ្ឋាននគរបាលខណ្ឌសែនសុខ សហការជាមួយកម្លាំងប៉ុស្ដិ៍ទឹកថ្លាបានឃាត់ខ្លូនជនសង្ស័យ១៤នាក់ ដែលពាក់ព័ន្ធករណីគ្រឿងញៀន និងដកហូតបានថ្នាំមួយចំនួនផងដែរ។ ប្រតិបត្តិការធ្វើឡើងនៅយប់ឈានចូលថ្ងៃទី២៤ ខែសីហា ឆ្នាំ២០១៦នេះ នៅក្រុមទី១០-១១ ភូមិត្រពាំងឈូក សង្កាត់ទឹកថ្លា ខណ្ឌសែនសុខ ។
អធិការនគរបាលខណ្ឌសែនសុខ លោក ម៉ក់ ហុង បានឲ្យដឹងថា មុនពេលឃាត់ដល់ការឃាត់ខ្លូន កម្លាំងចម្រុះបានចុះធ្វើការត្រួតពិនិត្យតំបន់សង្ស័យ ពាក់ព័ន្ធនឹងគ្រឿងញៀន ហើយក៏បានឃាត់ខ្លូនជនសង្ស័យ១៤នាក់ និងថ្នាំមួយចំនួន ផងដែរ។ លោកបញ្ជាក់ថា ក្រោយពីឃាត់ខ្លួនជនសង្ស័យត្រូវបាននាំទៅការសាកសួរ និងរងចាំកម្លាំងជំនាញធ្វើតេស្ត ស្វែងរកសារធាតុញៀន និងចាត់ការបន្ដ៕
