រាជធានីភ្នំពេញ៖យោងតាមរបាយការណ៍ របស់អគ្គស្នងការនគរបាលជាតិបានឲ្យដឹងថា នៅថ្ងៃទី ២៤ ខែសីហា ឆ្នាំ២០១៦ម្សិលមិញនេះកម្លាំងនគរបាលបានបង្ក្រាបបទល្មើសជួញដូរ រក្សាទុក និងប្រើប្រាស់៨ករណី ឃាត់មនុស្ស២៤នាក់ ក្នុងនោះមុខសញ្ញាជួញដូរ១៥នាក់ និងមុខសញ្ញាប្រើប្រាស់៩នាក់ ដកហូតមេតំហ្វេតាមីន (ice) ១៥.២ក្រាម, ១កញ្ចប់ធំ និង២កញ្ចប់តូច មេតំហ្វេតាមីន(wy) ២.៦៦ក្រាម និង១គ្រាប់កន្លះ។
ប្រភពដដែលបញ្ជាក់ថា ជនសង្ស័យទាំងនោះត្រូវបានឃាត់ខ្លួនដោយ៖ នគរបាលខេត្តកណ្ដាល បង្ក្រា១ករណីឃាត់ខ្លួនម្នាក់, ខេត្តបាត់ដំបង បង្ក្រាប៤ករណីឃាត់ខ្លួន៥នាក់, ខេត្តប៉ៃលិន បង្ក្រាប១ករណីឃាត់ខ្លួន៣នាក់, ខេត្តព្រះសីហនុ បង្ក្រាប១ករណីឃាត់ខ្លួន២នាក់, ខេត្តរតនគីរី បង្ក្រាប១ករណីឃាត់ខ្លួនម្នាក់ និងខេត្តស្វាយរៀង បង្ក្រាប១ករណីឃាត់ខ្លួន១៣នាក់៕
