រញ្ជួយដីនៅភាគខាងត្បូងអ៊ីតាលីសម្លាប់មនុស្ស១៥៩នាក់
អ៊ីតាលី៖ចំនួនអ្នកស្លាប់ក្នុងគ្រោះរញ្ជួយដីនៅអ៊ីតាលីបានកើនឡើងដល់១៥៩នាក់ហើយ ខណៈអ្នករងរបួសរាប់រយនាក់ និងកំពុងបាត់ខ្លួនជាច្រើននាក់ផងដែរ។ នេះបើតាមការចេញផ្សាយ ដោយសារព័ត៌មាន Skynews ។
គ្រោះរញ្ជួយដីកើតឡើងចម្ងាយ៧៦គីឡូម៉ែត្រ នៃទីក្រុងភាគខាងត្បូងឈាង ខាងកើតប្រទេសអ៊ីតាលី ហើយវាបានញ័រចេញពីក្នុងដី ជម្រៅតែ១០គីឡូម៉ែត្រប៉ុណ្ណោះ។ ដោយឡែកនៅទីក្រុងរ៉ូមវិញ អគារមួយចំនួនបានញាប់ញ័ររយៈពេល ២០វិនាទី។
គួរបញ្ជាក់ថា កាលពីឆ្នាំ២០០៩នៅតំបន់ដដែលនេះក៏រងគ្រោះរញ្ជួយដីកម្រិត ៦,៣រ៉ិចទ័រ ដោយបានសម្លាប់មនុស្សជាង៣០០នាក់ផងដែរ៕
