ខេត្តបន្ទាយមានជ័យ៖បុរស៣នាក់បានស្លាប់ភ្លាមៗ គ្រាដែលផឹកស្រាស្រវឹងដឹកមិត្តភក្តិពីផ្ទះ គោលបំណងទៅផឹកបន្តបានបើករថយន្តធ្លាក់ចូលប្រឡាយទឹកបណ្តាលឲ្យអ្នកជិះនៅក្នុងរថយន្ត៣នាក់សុទ្ធតែប្រុសៗឈ្លក់ទឹកស្លាប់នៅវេលាម៉ោង៥ល្ងាចថ្ងៃទី៤ ខែកញ្ញា ឆ្នាំ២០១៦ នៅចំណុចខាងត្បូងសួនស្ព័រប្រហែល១០០ម៉ែត្រ ស្ថិតក្នុងភូមិក្បាលស្ពាន សង្កាត់ព្រះពន្លា ក្រុងសិរីសោភ័ណ ខេត្តបន្ទាយមានជ័យ។
លោកអនុសេនីយ៍ឯក ភឿក ព្រហ្ម មេបញ្ជាការស្ដីទីមូលដ្ឋានកងរាជអាវុធហត្ថក្រុងសិរីសោភ័ណ បានឲ្យដឹងថាមុនពេលកើតហេតុនោះ មានរថយន្តម៉ាកកាមេរីឆ្លាម១គ្រឿងពណ៍ឆ្លូញពាក់ស្លាកលេខ បន្ទាយមានជ័យ 2A4805 បានបើកក្នុងល្បឿនលឿនក្នុងស្ថានភាពស្រវឹងខ្លាំងលុះបើកមកដល់ចំណុចកើតហេតុរថយន្តកាមរីនោះបានឡើងវ៉ារថយន្តខាងមុខបើកពីជើងទៅត្បូងពេលនោះរថយន្តកាមរីនោះរេចង្កូតបណ្តាលឲ្យក្រឡាប់ធ្លាក់ចូលប្រឡាយទឹកមនុស្ស៣នាក់ស្លាប់ទាំងអស់ដោយឈ្លក់និងទឹកប្រឡាយ។
លោក ភឿក ព្រហ្ម បានឲ្យដឹងបន្តទៀតថាជនរងគ្រោះ១មានឈ្មោះ ហ៊ុយ ឡាសាំង ភេទប្រុស អាយុ៣២ឆ្នាំ រស់នៅភូមិសាលាដែង ឃុំឬស្សីក្រោក ស្រុកមង្គលបូរី ខេត្តបន្ទាយមានជ័យ អ្នកបើកបរស្លាប់។២/មានឈ្មោះ សេន តុលា ភេទប្រុស អាយុ៣២ឆ្នាំអ្នករួមដំណើររស់នៅភូមិព្រែកជីក ឃុំឬស្សីក្រោក ស្រុកមង្គលបូរីខេត្ត បន្ទាយមានជ័យស្លាប់៣/មានឈ្មោះ សុ ជាតិ ភេទប្រុស អាយុ៣២ឆ្នាំ រស់នៅភូមិ ឃុំបត់ត្រង់ ស្រុកមង្គលបូរី ខេត្តបន្ទាយមានជ័យស្លាប់។ នាក់ទាំង៣នេះជាគ្រូបង្រៀននៅសាលាបឋមសិក្សាឬស្សីក្រោក ស្រុកមង្គលបុរី ខេត្តបន្ទាយមានជ័យ។
លោក ភឿក ព្រហ្ម បានបញ្ជាក់ទៀតថាក្រោយពីកើតហេតុរួចសមិត្ថកិច្ចបានចុះទៅដល់កន្លែងកើតហេតុបានសហការគ្នាជាមួយប្រជាពលតដ្ឋនៅទីនោះចុះវាយកញ្ចក់រថយន្តដើម្បីយកសពចេញពីរថយន្តចំណែរថយន្តត្រូវបានសមិត្ថកិច្ចអូសឡើងលើគោកយកទៅរក្សាទុកនៅស្នងការនគរបាលខេត្ត រងចាំដោះស្រាយតាមផ្លូវច្បាប់។ចំណែកសពត្រូវបានប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណីរៀងៗខ្លួនអស់ហើយ៕
