ស៊ីរី៖មេបញ្ជាការជាន់ខ្ពស់ Abu Omar Sarakeb ត្រូវបានបណ្តាញផ្សព្វផ្សាយរបស់ក្រុមឧទ្ទាមចេញផ្សាយថា បានស្លាប់ដោយសារតែការវាយប្រហារតាមអាកាសដោយកងទ័ពរដ្ឋាភិបាលលោក បាហ្សា អាល់ អាស្សាដ នៅជាយខេត្តអាឡេប៉ូ ភាគខាងជើងប្រទេសស៊ីរី។
យោងតាមសារព័ត៌មាន BBC ផ្សាយថា មេបញ្ជាការជួរមុខមួយរូបនេះបានប្រឆាំងនឹងរដ្ឋាភិបាលស៊ីរីជាង៥ឆ្នាំមកនេះ ដែលក្រុមឧទ្ទាមនេះកាលពីដើមឡើយធ្លាប់មានឈ្មោះថា al-Nusra និងបានផ្លាស់ប្តូរឈ្មោះរបស់ខ្លួនទៅ ជា Jabhat Fateh al-Sham កាលពីខែកក្កដា បន្ទាប់ពីបានផ្តាច់សម្ព័ន្ធភាពជាមួយនឹងក្រុម អាល់កៃដា ដែលពិភពស្គាល់ថា ជាពួកភេរវករ ដែលចងសម្ព័ន្ធភាពយ៉ាងស្អិតល្មួតជាមួយក្រុម ISIS។
គួរបញ្ជាក់ថា លោក Abu Omar Sarakeb បានស្លាប់នៅក្នុងការវាយប្រហារដោយ យន្តហោះទម្លាក់គ្រាប់បែកលើភូមិ Kafr Naha ភាគខាងលិចខេត្តអាឡេប៉ូ៕
