អគ្គិភ័យឆេះផ្ទះប្រជាពលរដ្ឋនៅសង្កាត់សាឡាងរលត់វិញហើយ
រាជធានីភ្នំពេញ៖អគ្គិភ័យដែលបានឆាបឆេះផ្ទះប្រជាពលរដ្ឋ នៅសង្កាត់បឹងសាឡាង ខណ្ឌទួលគោក បានរលត់ទាំងស្រុងហើយនៅម៉ោង៩ និង៥០នាទី ព្រឹកថ្ងៃទី១៣ ខែកញ្ញានេះ បន្ទាប់ពីសមត្ថកិច្ចជួយអន្តរាគមន៍ ជាមួយរថយន្តពន្លត់អគ្គិភ័យជាង១០គ្រឿង និងប្រើប្រាស់ទឹកអស់ជាច្រើនរថយន្ត។
យោងតាមសេចក្តីបានឲ្យដឹងថា គ្រោះអគ្គិភ័យនេះ បានបំផ្លាញផ្ទះប្រជាពលរដ្ឋអស់ ៣ល្វែង និង១២បន្ទប់ (បន្ទប់ជួល) ព្រមទាំងខូចខាតទ្រព្យសម្បត្តិអស់ជាច្រើនផងដែរ។ ចំណែកមូលហេតុនៃការឆេះនេះត្រូវបាន គេសន្និដ្ឋានជាជំហ៊ានដំបូងថា ដោយសារទុស្សេចរន្តអគ្គិសនី។
គួរបញ្ជាក់ថា ករណីអគ្គិភ័យនេះ បានកើតឡើងនៅម៉ោង ប្រមាណជាង៨ព្រឹកថ្ងៃទី១៣ ខែសីហា ឆ្នាំ២០១៦នេះ៕
