សាលក្រមផ្តន្ទាទោស លោក កឹម សុខា នឹងចូលជាស្ថាពរថ្ងៃទី១៦ ខែតុលា
រាជធានីភ្នំពេញ៖សាលក្រមផ្តន្ទាទោស លោក កឹម សុខា នឹងត្រូវចូលជាស្ថាពរនៅថ្ងៃទី១៦ ខែតុលា ឆ្នាំ២០១៦ខាងមុខនេះ ប្រសិនបើសាម៉ីខ្លួនមិនប្តឹងឧទ្ធរណ៍។ នេះបើយោងតាមការបញ្ជាក់របស់លោក គឹម សុន្តិភាព អ្នកនាំពាក្យក្រសួងយុត្តិធម៌។
ទាក់ទងសាលក្រមនោះ នៅព្រឹកថ្ងៃទី១៦ ខែកញ្ញានេះ កម្លាំងសមត្ថកិច្ច បានយកលិខិតឲ្យដំណឹងពីសាលក្រម អំពីការ «ផ្តន្ទាទោសដាក់ពន្ធនាគារលោក កឹម សុខា កំណត់០៥ខែ និងពិន័យប្រាក់៨០ម៉ឺនរៀល» ទៅបិទមុខផ្ទះលោក កឹម សុខា ស្ថិតនៅផ្ទះលេខ៩៧ ផ្លូវ៣១៣ សង្កាត់បឹងកក់២ ខណ្ឌទួលគោករាជធានីភ្នំពេញផងដែរ៕
