ឃាត់ខ្លួនស័ក្តិ៤យោធាម្នាក់ និងបក្ខពួក២នាក់ពាក់ព័ន្ធគ្រឿងញៀន
រាជធានីភ្នំពេញ៖កម្លាំងនគរបាលខណ្ឌសែនសុខបានឃាត់ខ្លួនយុវជនពីរនាក់ និងមន្ត្រីយោធាម្នាក់យកទៅសួរនាំ បន្ទាប់ពីរកឃើញថ្នាំញៀន ហើយមន្ត្រីយោធានោះមកស្រែកឡូឡា ពេលកម្លាំងកំពុងធ្វើការ នៅម៉ោង១០ និង៤០នាទីយប់ថ្ងៃទី៦ ខែតុលា ឆ្នាំ២០១៦ នៅប្លុកភូមិត្រពាំងឈូកសង្កាត់ទឹកថ្លា។
សមត្ថកិច្ចបានឲ្យដឹងថា មុនពេលចាប់ខ្លួនកម្លាំងល្បាតរបស់ខណ្ឌសែនសុខបានប្រទះឃើញយុវជនសង្ស័យពីរនាក់ នៅក៏ហៅឈប់ដើម្បីឆែកឆេរពេលឆែក ក៏បានប្រទះឃើញមានថ្នាំញៀន១កញ្ចប់ ក៏វាយខ្នោះយុវជនពីរនាក់នោះ ក៏ស្រាប់លេចមុខយោធាស័ក្តិ៤ម្នាក់ មកស្រែកឡូឡា ពេលកំលាំងធ្វើការក៏ឃាត់យកទៅសួរទាំងអស់តែម្តង៕
