រាជធានីភ្នំពេញ៖កំលាំងផ្នែកយុត្តិធម៌ នគរបាលខណ្ឌទួលគោកសហការ ជាមួយកំលាំងកងអន្តរាគម ន៍ពិសេសនិងកំលាំងការិយាល័យព្រហ្មទណ្ឌកំរិតធ្ងន់បានឃាត់ខ្លួនក្មេងប្រុសអាយុ១១ឆ្នាំម្នាក់ក្រោយពីឆែកឆេរឃើញថ្នាំញៀនចំនួន២៤ថង់តូច។ ការឃាត់ខ្លួននេះធ្វើឡើងនាយប់ថ្ងៃទី០៩ ខែតុលា ឆ្នាំ២០១៦ នៅចំណុចប្លុករោងចក្រឆ្នាំង ផ្លូវរថភ្លើង ក្រុមទី១០៦ ភូមិ២៣ សង្កាត់បឹងកក់ទី២ ខណ្ឌទួលគោក រាជធានីភ្នំពេញ។
តាមប្រភពព័ត៌មានពីសមត្ថកិច្ចបានឲ្យដឹងថា ជនសង្ស័យឈ្មោះ បាន សុខគឿន ហៅ គឿន ភេទប្រុស អាយុ១១ឆ្នាំ មុខរបរពុំពិតប្រាកដ ស្នាក់នៅផ្ទះជួលមុខវត្តនាគវ័ន្ត ផ្លូវលេខ១៣២ សង្កាត់ស្រះចក ខណ្ឌដូនពេញ ។ ប្រភពដដែលបន្តថា គ្រាដែលកម្លាំងចុះល្បាតក៏ជួបប្រទះជនសង្ស័យ០១នាក់ជាអនិតិជនកំពុងឈរលក់គ្រឿងញៀន ក៏ធ្វើការឃាត់ខ្លួនជាក់ស្តែង និងឆែកត្រួតពិនិត្យខ្លួនរកឃើញក្រាមពណ៌សថ្លា ដែលសង្ស័យជា សារជាតិញៀនចំនួន២៤ថង់តូច។
ប្រភពបញ្ជាក់ថា វត្ថុតាងដែលបានចាប់យកមាន៖ក្រាមពណ៌សថ្លាដែលសង្ស័យជា សារជាតិញៀនចំនួន២៤ថង់តូច និង-ទូរស័ព្ទដៃចំនួន០២គ្រឿង (ម៉ាក Nokia ពណ៌ខ្មៅ និងម៉ាក Sony ពណ៌ស)។
បច្ចុប្បន្នជនសង្ស័យកំពុងឃាត់ខ្លួននៅអធិការដ្ឋានដើម្បី សាកសួរតាមនីតិវិធី៕
