រាជធានីភ្នំពេញ៖ទាំងលោក សម រង្ស៊ី និងលោក កឹម សុខា បានសម្រេចធ្វើលិខិតថ្វាយព្រះមហាក្សត្រ ដើម្បីសុំព្រះអង្គព្រះប្រទានការលើកលែងទោស ក្នុងពេលដែលមេបក្សប្រឆាំងទាំង២រូបសុទ្ធតែត្រូវបានតុលាការផ្តន្ទាទោសឲ្យជាប់ពន្ធនាគារដូចគ្នា។
សូមរម្លឹកថា លោក សម រង្ស៊ី ត្រូវបានតុលាការផ្តន្ទាទោសឲ្យជាប់ពន្ធនាគារចំនួន២ឆ្នាំ និងពិន័យជាប្រាក់ចំនួន៨លានរៀល។ ចំណែក លោក កឹម សុខា ត្រូវផ្តន្ទាទោសដាក់ពន្ធនាគារចំនួន៥ខែ និងប្រាក់ចំនួន៨០ម៉ឺនរៀល។
តាមព័ត៌មានទទួលបាន កាលពីថ្ងៃទី៦ ខែតុលាការ ឆ្នាំ២០១៦នេះ មេបក្សប្រឆាំងទាំងពីរបានសរសេរលិខិតមួយច្បាប់ថ្វាយព្រះមហាក្សត្រ ដើម្បីសុំការលើកលែងទោស និងទម្លាក់ការចោទប្រកាន់របស់តុលាការ ។ រហូតដល់ថ្ងៃទី១១ ខែតុលា ឆ្នាំ២០១៦ លិខិតស្នើសុំការលើកលែងទោសរបស់លោក សម រង្ស៊ី និងលោក កឹម សុខា ត្រូវបានព្រះករុណា ព្រះបាទ សម្តេចព្រះនររោត្តម សីហមុនី ព្រះមហាក្សត្រនៃកម្ពុជា ផ្ញើជូនសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា ដើម្បីពិនិត្យ។
យ៉ាងណាក៏ដោយ នៅថ្ងៃទី១២ ខែតុលា ឆ្នាំ២០១៦ សម្តេចតេជោ ហ៊ុន សែន បានឆ្លើយតបនឹងសារលិខិតរបស់ ព្រះករុណា ព្រះបាទ សម្តេចព្រះនររោត្តម សីហមុនី ដោយមានខ្លឹមសារថា «ក្នុងនាមជាប្រមុខរាជរដ្ឋាភិបាលកម្ពុជា ទូលព្រះបង្គំជាខ្ញុំមានជំនឿដ៏មុតមាំថា ការពង្រឹង និងការកលើកកម្ពស់នីតិរដ្ឋ តាមរយៈអនុវត្តច្បាប់ឲ្យបានត្រឹមត្រូវម៉ឺងម៉ាត់ និងមានប្រសិទ្ធភាព គឺជាការចាំបាច់ និងជាកត្តាគន្លឹះដើម្បីជួយឲ្យប្រទេសជាតិមានរបៀបរៀបរយ ស្ថិរភាព និងសន្តិសុខ ជាពិសេសជួយឲ្យលទ្ធិប្រជាធិបតេយ្យសេរីពហុបក្សរបស់កម្ពុជា មានកិច្ចដំណើរការទៅមុខប្រកបដោយចីរភាព៕
