រាជធានីភ្នំពេញ៖កម្មការិនី២នាក់ឆ្លៀតពេលឈប់សំរាកថ្ងៃបុណ្យជិះម៉ូតូដឹកគ្នាទៅលេងស្រុកត្រូវរថយន្តដឹកទឹកកកបុកស្លាប់ម្នាក់រងរបួសធ្ងន់ម្នាក់កាលពីវេលាម៉ោង៦និង១៥នាទីថ្ងៃទី១៥ ខែតុលា ឆ្នាំ២០១៦ ស្ថិតនៅបណ្តោយផ្លូវ២១៧សង្កាត់ដង្កោ ខណ្ឌដង្កោ។
ប្រភពព័ត៌មាននៅកន្លែងកើតហេតុបានអោយដឹងថា មុនពេលកើតហេតុគេឃើញនារីកម្មការិនីរោងចក្រ២នាក់ជិម៉ូតូម៉ាកScoppy ពណ៌ស្វាយពាក់ស្លាកលេខ1AU 4365 បើកបរពីទិសដៅពីជើងទៅត្បូង
ហើយក៏មានរថយន្តដឹកទឹកកកមួយគ្រឿងម៉ាក KIA ពណ៌សពាក់ស្លាកលេខPP2M 3892បើកពីក្រោយម៉ូតូជនរងគ្រោះបុកចំពីក្រោយម៉ូតូបណ្តាលអោយអ្នកជិះម៉ូតូដួលចូលក្រោមកង់រថយន្តកិនចំក្បាលស្លាប់ភ្លាមៗនៅកន្លែងកើតហេតុ ចំណែក្នាក់ទៀតរងរបួសធ្ងន់ត្រូវបានបញ្ជូនទៅសង្គ្រោះនៅមន្ទីរពេទ្យរុស្សី។
សមត្ដកិច្ចបានអោយដឹងថា នារីដែលស្លាប់ខាងលើមានឈ្មោះ ជៀង ស្រីល័ក្ខ អាយុ១៩ឆ្នាំមុខរបរកម្មកររោងចក្រ មានស្រុកកំណើតនៅស្រុកសំរោង ខេត្តតាកែវ។ ចំណែកអ្នកបើកបរ និងព្រូរួមទាងរថយន្តបង្ករ និងម៉ូតូត្រូវបានឃាត់ខ្លួន និងបញ្ជូនទៅការិយាល័យចរាចរណ៍ជើងគោករាជនីភ្នំពេញដោះស្រាយគ្នាតាមនីតិវិធីនៅពេលក្រោយ៕
