២៧នាក់ស្លាប់ និងរបួស៥០នាក់ក្នុងករណីរថយន្តក្រុងបុកគ្នានៅប៉ាគីស្ថាន
ប៉ាគីស្ថាន៖រថយន្តក្រុងពីរគ្រឿងបានបុកគ្នាពេញមួយទំហឹងនៅតាមដងផ្លូវក្នុងខេត្ត Punjab ភាគខាងកើតប្រទេសប៉ាគីស្ថាន នៅពេលទៀបភ្លឺព្រឹកថ្ងៃចន្ទនេះ បណ្តាលឲ្យមនុស្ស២៧នាក់បានបាត់បង់ជីវិត និងជាង៥០នាក់ផ្សេងទៀតរងរបួស។
គ្រោះថ្នាក់បានកើតឡើងដោយសាររថយន្តក្រុងមួយគ្រឿងបើកលឿនរេចង្កូតចូលចំណែកផ្លូវបញ្ច្រាសហើយក៏បានបុកគ្នាពេញទំហឹងតែម្តង ខណៈដែលរថយន្តទាំងពីរសុទ្ធតែបានដឹកមនុស្សពេញៗដូចគ្នា ។ ទោះជាយ៉ាងណាសម្រាប់អ្នករងរបួសទាំង៥០នាក់នោះ គឺមានមួយចំនួន កំពុងស្ថិតនៅក្នុងសភាពធ្ងន់ធ្ងរបំផុត ដែលអាចនឹងមានអ្នកបាត់បង់ជីវិតបន្ថែមទៀត៕
