ប្រជាជនអ៊ីរ៉ាក់ ៥,៦៤០នាក់រត់ភៀសខ្លួនអំឡុងការប្រយុទ្ធដណ្តើមក្រុង Mosul
បាកដាដ៖ការប្រយុទ្ធវាយរំដោះយកទីក្រុង Mosul ចេញពីកណ្តាប់ពួកក្រុម ISIS បានធ្វើឲ្យប្រជាជនអ៊ីរ៉ាក់ប្រមាណ៥,៦៤០នាក់ត្រូវរត់ភៀសខ្លួនចេញពីលំនៅឋានក្នុងរយៈពេលបីថ្ងៃចុងក្រោយនេះ។ នេះយោងតាមរបាយការណ៍អង្គការទេសន្តរប្រវេសន៍អន្តរជាតិ (IOM)។
ដោយឡែកតាមទីភ្នាក់ងារជនភៀសខ្លួន UNHCR របស់អង្គការសហប្រជាជាតិបានឲ្យដឹងដែរថា ប្រជាជនអ៊ីរ៉ាក់ជាច្រើននាក់ ក៏បានជម្លៀសខ្លួនពីភាគខាងលិច ទៅកាន់ភាគខាងកើតនៃទីក្រុង Mosul ផងដែរបន្ទាប់ពីមានការវាយប្រហារ តាមផ្លូវអាកាស និងការបាញ់គ្រាប់ផ្លោងមកលើតំបន់ភាគខាងលិចនៃទីក្រុងយ៉ាងធ្ងន់ធ្ងរ៕(ប្រភពសារព័ត៌មាន Reuters )
