ឆ្នាំ២០១៧ ប្រាក់ខែមន្ត្រីរាជរដ្ឋាភិបាលក្នុងមុខតំណែងនឹងត្រូវដំឡើងជិត២ដង
រាជធានីភ្នំពេញ៖នាយករដ្ឋមន្ត្រីនៃកម្ពុជា សម្តេច ហ៊ុន សែន បានឲ្យដឹងនៅមុននេះបន្តិចថា ឆ្នាំ២០១៧ខាងមុខនេះ ប្រាក់បៀវត្សរ៍មន្ត្រីរាជរដ្ឋាភិបាលក្នុងមុខតំណែង នឹងត្រូវបានដំឡើងប្រហាក់ប្រហែលទ្វេដង។
ការថ្លែងរបស់សម្តេចធ្វើឡើងនៅក្នុងកិច្ចប្រជុំគណៈរដ្ឋមន្ត្រី នាព្រឹកថ្ងៃសុក្រនេះ ក្នុងរបៀបវរៈចំនួន៣រួមមាន៖
១៖ សេចក្ដីព្រាងច្បាប់ ស្តីពីហិរញ្ញវត្ថុសម្រាប់ការគ្រប់គ្រងឆ្នាំ២០១៧។
២៖ សេចក្តីព្រាងច្បាប់ ស្តីពីការទូទាត់ថវិកា ទូទៅរបស់រដ្ឋសម្រាប់ការគ្រប់គ្រងឆ្នាំ២០១៥។
៣៖ សេចក្តីព្រាងយុទ្ធសាស្ត្រអភិវឌ្ឍវិស័យហិរញ្ញវត្ថុឆ្នាំ២០១៦-២០២៥។ និងបញ្ហាផ្សេងៗមួយចំនួនទៀត៕
