រាជធានីភ្នំពេញ៖បុរសញៀនថ្នាំម្នាក់ត្រូវបងប្រុសបង្កើតប្តឹងនគរបាលប៉ុស្តិ៍គីឡូម៉ែត្រលេខ៦ឱ្យចាប់ខ្លួនកាលពីវេលាម៉ោង១១ និង៣០នាទីព្រឹក ថ្ងៃទី២៦ ខែតុលា ឆ្នាំ២០១៦ បន្ទាប់ពីជននេះបានគំរាមកំហែង និងវាយធ្វើបាបម្តាយយ៉ាងខ្លាំង ជាពិសេសទៀតនោះពេលដែលចាប់ខ្លួនស្រាប់តែបែកធ្លាយរឿងដ៏កខ្វក់មួយ គឺជននេះបានវាយធ្វើបាប និងចាប់រំលោភម្តាយបង្កើតខ្លួនឯងបន្តបន្ទាប់រយៈពេល៦ឆ្នាំហើយ ។
បុរសជាជនសង្ស័យឈ្មោះ យឹម ហ៊ួ អាយុ៤៧ឆ្នាំ មុខរបរមិនពិតប្រាកដ ស្នាក់នៅផ្ទះលេខ ២១៧ ក្រុម១ ផ្លូវជាតិលេខ៥ ភូមិគ្រោលគោ សង្កាត់គីឡូម៉ែត្រលេខ៦ មានប្រពន្ធ តែទើបតែលែងលះគ្នាប្រមាណជាង១ឆ្នាំ និងមានកូនប្រុស-ស្រី២នាក់។ ចំណែកស្ត្រីជាម្តាយដែលរងទារុណកម្ម និងរំលោភសេពសន្ថវៈនោះមានអាយុ៦៧ឆ្នាំ។
សមត្ថកិច្ចបានឲ្យដឹងថា នៅថ្ងៃទី២៦ ខែតុលា ឆ្នាំ២០១៦ វេលាម៉ោង១១និង៣០នាទី ក្រោយពីបានទទួលបណ្តឹងពីជនរងគ្រោះត្រូវជាម្តាយ កម្លាំងនគរបាលប៉ុស្តិ៍គីម៉ែត្រលេខ៦ បាន ស្រាវជ្រាវឈានដល់កាឃាត់ខ្លួនជនសង្ស័យជាក់ស្តែង។
តាមការរៀបរាប់របស់ជនរងគ្រោះត្រូវជាម្តាយឲ្យដឹងថា ជនសង្សយ័ត្រូវជាកូនបង្កើត បានអុកឡុកវាយបំផ្លាញទ្រព្យសម្បត្តិក្នុងផ្ទះស្ទើរគ្មានសល់ ហើយបានវាយធ្វើបាបរូបគាត់ នឹងចាប់រំលោភគាត់បានសម្រេចស្ទើររាល់ថ្ងៃ រយៈពេលជាង២ខែមកហើយ ដោយគំរាមមិនអោយគាត់ប្រាប់គេ បើមិនដូច្នេះទេ នឹងសម្លាប់ចោល។ ដោយការភ័យខ្លាចផង និងខ្មាសគេផង ចេះតែទ្រាំទាំងការឈឺចាប់ រហូតដល់ទ្រាំលែងបាននៅថ្ងៃខែឆ្នាំខាងលើ ក៏សម្រេចចិត្តប្តឹងដល់សមត្ថកិច្ច ដើម្បីឲ្យចាត់កាទៅតាមផ្លូវច្បាប់។ បច្ចុប្បន្ន សមត្ថកិច្ចកសាងសំណុំរឿងចាត់ការតាមនីតិវិធី៕
