ខេត្តពោធិ៍សាត់៖ក្មេងប្រុសម្នាក់បានលង់ទឹកស្លាប់យ៉ាងអាណោចអាធម ខណៈដែលទៅអង្គុយបត់ជើងធំលើស្ពានស្រាប់តែធ្លាក់ចូលទៅក្នុងស្ទឹងបណ្ដាលឲ្យលង់ទឹកស្លាប់យ៉ាងអាណោចអាធ័ម។ ហេតុការណ៍នេះកើតឡើងកាលពីវេលាម៉ោង១១ និង៤០នាទីព្រឹក ថ្ងៃទី២៦ ខែតុលា ឆ្នាំ២០១៦ នៅចំណុចស្ពានឆ្លងស្ទឹង ស្ថិតនៅភូមិទី៤ ឃុំកំពង់លួង ស្រុកក្រគរ ខេត្តពោធិ៍សាត់ ។ ក្មេងរងគ្រោះឈ្មោះ ព្រំ រាជ ភេទប្រុស អាយុ៣ឆ្នាំ ភេទប្រុស ជនជាតិ ខ្មែរ មានឪពុកឈ្មោះ ព្រំ អានុជ អាយុ៣១ឆ្នាំ ម្តាយឈ្មោះ នង ស្រី អាយុ៣២ឆ្នាំ មានទីលំនៅភូមិកើតហេតុ ។
ម្តាយក្មេងប្រុសរងគ្រោះបានឲ្យដឹងថា មុនពេលកើតហេតុកូនប្រុសរបស់គាត់បានទៅអង្គុយបត់ជើងធំនៅលើស្ពាន ដោយយូរពេកមិនឃើញកូនត្រឡប់មកវិញក៏ដើរទៅមើលតែមិនឃើញក៏នាំគ្នាដើររកនៅតែរកមិនឃើញទៀត បន្ទាប់មកដោយមានការសង្ស័យក៏នាំគ្នាចុះរាវរកក្នុងទឹកស្ទឹងទើបប្រទះឃើញកូនលង់ទឹកស្លាប់បាត់ទៅហើយ៕
